Taimi Haihambo 

Opolifi oya kwata po ovafekelwa vane mekwatafano lokudipaa nosho yo oku vaka oilyo yoifitukuti pehe na omikandapitikilo. 

Oshiningwanima eshi osha ningwa komukunda Otjimbudu mexuliloshivike efimbo longula. Opolifi oya hokolola tai ti umwe ovafekelwa omulumenhu weedula 41, okwa tulwa moipandeko eshi vati odipaa oshinamwenyo shomhundja imwe. 

Ota ku hokololwa kutya omufekelwa vati oshifitukuti okwe shi mangeleka nodalate mofingo fiyo tashifi. 

Okwa kwa telwa poshivelo kovatonateli vomaliko eshi ali ta kendabala oku pitapo nasho. Oshifitukuti oshi li pongushu yoN$ 6 500. 

Oshiningwanima shikwao, ovafekelwa vatatu natango vepupi leedula 30, 34, 46 ova tulwa moipandeko koMariental eshi vati va hangika nomayoo ondjaba. 

Vati opolifi oya patulula omundilo eshi ya hanga ovafekelwa ava noku lemaneka po umwe womuvo. Nakuyashwa vati okuli mongahlo tai etifa eenghono shaashi okwa endelelwa po a twalwe koshipangelo shaWindhoek. Omupopiliko wopolifi Deputy Commissioner Kauna Shikwambi okwa koleka kutya umwe womufekelwa okwa yashwa noku lemanekwa pefimbo opolifi kwa li tai kendabala okuvakwata po.