Manette Hiyavali
Epangero kuna kara asi linma lituramo mokutura marutjeno ponosure depangero momukunda horowero gwaMukwe eyi yina kara asi ngesi ntaantani vatameke. Munasipundi gondango zomukunda Kavango zoutokero age hena kansela gwaMukwe Damian Mughambayi kayinkondopekere asi nosure nadinye domoMukwe tadigwana marutjeno omu yina kara asi nosure ntantu ngesi nare vanaditura rutjeno.
Age katjangwilire elikwamo lyangesi asi mulyo unene ntani lyomutaro unene koruha rwerongo momukunda ogu.
‘’ Eyi kuna kara asi nosure tadiwapa nye unene. Rutjeno kapi yina kutanta asi kutemesa kweli monosure.
Simpe kuretesapo unene udivi ndunge momagwanekero. Ose tuna hafa kweyi vana rugana dogoro papa. Mughambayi katente asi rutjeno rokonomukunda ngesi kuna kuza nye mosirugana.
Kutura rutjeno ponosure hawe ngesi kuna kuninkisa nye vadinkantu vakare nye ponomukunda dawo.
Age kuna kupandura Nampower eyi vana lituramo vatwere rutjeno konomukunda doponze zodoropa omu nye vana kuvatera ekuliko lyomukunda ogu. Kutura rutjeno ponze pwahana asi posure hawe nayininkisa ekuliko liwize.
Kugusako yimaliwa vatura asi yorutjeno rokonosure, awo vaNampower vanatulire ntere N$2 miliyuna omu navakagava rutjeno koShadikongoro ntani poThipanana momukunda.
Mokugwedako nombudi dimwe, mugavi magano koministeli Emilie Sitentu katente asi Mukwe kuna kara mukunda gumwe guna kara asi gerago mokugwana rutjeno mosirongo nasinye omu yina kara asi hambara nosure nadinye tadigwana rutjeno.
‘’ Ngesi nosure ntatu tupu dina hupuko -Mwitjiku primary school Bagani Combined School ntanio Edaward Mukoya sekondere school nye nadinye odo ntaantani vaditure rutjeno.
Ministeli zina hafa morwa rutjeno kuretesapo ekuliko ,’’ yimo ngoso ana kutanta. Sitentu katente asi rutjeno kurugana kwanayinye, kuvatera erongo ntani kulironga nako kuwapa sili.
‘’ Norutjeno, nosure ngesi dahepa nye kuruganesa rutjeno oru kwanayinye.
Yiruganeso kosure. Eyi kuna kara asi yina litjindji unene kuhamena kerongo. Rutjeno runa wiza apa nazikapwira mvhura ezi hawe tuna ruganako Yuma.
Mukunda horowero gwaMukwe ngesi kunakara nye gumwe guna kumoneka nawa nsene vakeverera malikwamo aga hawe ngano natuvatera vantu vetu ntani erongo nalyo nalirunduruka momunene.
Manette Hiyavali murugani kurona ko ministeli zomapiukururo negwanekero.