Taimi Haihambo 

ONGWEDIVA – Vahapu konooli ove wete omafiku itaa pu ko va ka kale eendobwedi meesaala daNgwediva oku kwa shilipaleka oufiku wokakadona dingi moshilongo momafiyafano ashivika nedina Miss Namibia oshoyo Miss Teen Namibia. 

Oukadona ova teelelwa vaka ye mondabo yomafiyafano mEtitano fiyo omOlomakaya. 

Etitano otaku ka kala kuna omafiyafano a Miss Teen Namibia omanga Olomakaya omafiyafano a Miss Namibia. 

Oukadona ava tava ka kufa ombinga ovaninga omafiku meedolopa doshitukulwa shaShana ngaashi Ondangwa, Oshakati shoyo Ongwediva nelalakano loku li ulika kutya omoveli moshitukulwa oshoyo oku landifa outekete voshitufi. 

Omuunganeki no mukwateli komesho wo kakadona dingi oshoyo omupopiliko woNBC Beaulah Beukes, okwa ti oukadona ovaninga omafiku tave li deula nova pyakoka nawa oku ka ulika oitalendi yavo meesaala daNgwediva mEtitano no lOmakaya. “Oukadona ohava nangala mo Destiny Hotel, voo omo ha vadi keshe efiku ngeenge tavayi kamalideulo oshoyo ngeenge tava ende nee doolopa,” Beukes ta ti. 

Okwatwikilakutyaoukadonaova ninga oukaume wakola navakwao novelimo paife ovamwainafana aveshe. 

“Efiku nefiku ota ve li tu omikumo kutya oshina ashike oku enda nawa, nonande kexulilo lefiku opuna ashike oku kala umwe oye tai nepapa, otuwa oshoyo omiliona keumbo,” Beukes ta yelifa. 

Oukadona vati keshe apa tava ende otava tuwa omukumo, novayandjaolupandukomunyekadi waNdonga Adelheid Nangolo opatrona yokakadona dingi oo naye a kala noku vayakula nawa meumbo laye oshoyo oku vatwa omukumo efiku keshe. 

Oshivilo eshi shihafifa opo lwotete tashi nigilwa koshitukulwa shanooli nota shikaningilwa mOnwediva Trade Fair. Outekete vaakwashiwana ota va landifwa koN$ 500.00, omanga vaava va ikalekelwa ovena N$1500.00, sho oshitaafula shovanhu veli omulongo shouvalelo oshina N$15000.00. 

taimihaihambo@gmail.com