Omulumenhu weedula 28, omuhongifikola kosekundofikola Eenhana SS okwa xulifa eshi vati elimangeleka.
Oshiningwanima osha ningwa Olomakaya efimbo lokomatango modoolopa yaEenhana.
Nakufya okwa tongolwa oye Nestory Namhindo a dile komukunda Onekwaya-West.
Omukulunhu koshikondo shokukonakona oimbuluma moshitukulwa shaHangwena omupedu komufala Melanie Mburu okwa hokololwa ta ti Namhindo okwe li tuwa eli meemhango moixwa kounona kwa li tava tyava oikuni.
Opolifi oya hokolola tai ti omuhongifikola ou ina fiya po omukanda tau yandje ouyelele kombinga yefyo laye.
Ota ku hokololwa kutya Namhindo okwa li aya koilonga Etitano ashike ka kwali tau like ena omadidiliko oku li mangeleka.
Opolifi oya hokolola tai ti omuhongifikola Olomakaya okwa li ta kongwa komukainhu waye ou hava di naye meumbo limwe mEenhana ashike ongodi yaye oya dima.
Okwa fiya po ounona vaye vavali nomakonakono opolifi ota twikile.
Opolifi oya kumaida ovalumenhu opo va kale tava ka konga omakwafo kovaxungimwenyo oshoyo kovafitaongalo molwashi oku li mangeleka ka kushi ekandulepo lomukundu.