Eba Kandovazu
Ogu vana pe sinkwa ntani sirugana akare asi hamutjanga gwaPresidente gokugava nombudi, Jonas Mbambo, kahuguvaresere asi age takarugana mosirugana esi vana mupe sosipe somagwanekero ntani kugwanekera novanambudi pontambo zokuzeruka omu ana kukaruganena sirongo saNamibia komberewa zakahurako.
Apa nye kavamupuragerere vaNampa sivike sina puko, Mbambo ogu ana kara asi takatameka sirugana mezuva lyokuhova lyaSiwogedi 2025, age kageve ruhafo rwendi morwa ehuguvaro eli vana tura mwendi, omu ana kuyiviha mwene ntani yinka nye yakara mevango eli vana mupe sosipe. Ame kuna kumona asi vanayifumadekerenge ntani ame ninahafa morwa sirugana esi vana penge, esi nina tambura nomawoko gavali. Ame nina hafa monzira ezi nina kugenda, hawe nina hafa morwa koyo nina gwana mokuruganena sirongo sange moposa ezi,” yimo ana kutanta Mbambo. Mbudi zokufana ngesi kavazigeve paveta ava avarugana mo,mberewa zaPresidente mosondaha kazipwire.
Mbambo, ogu gakara asi munambudi yina kara asi yiyo galirongera, kuna kara ngesi nonzapo zo law degree gagwana ko people’s Friendship University moMoscows, Russia. ‘’
Omu gakara nomukaro gokukona kona yininke ntani kwadiva yokuhamena unapolitika, Mbambo kuna kureta kwaPresidente udivi wendi naunye ou gadiva wounambudi, nomokuzihanesa yimo nye vana kutanta wokomberewa zaPresidente.
Mbambo simpe katente mulyo omu natulisapo eruganeno kumwe, kumwe novanambudi omu navagava nombudi douhunga kovatungimo. ‘’ Ame kwapura asi pausili, mberewa zange ngasi kara zina zegurukire vantu, unene vanambudi. Situmbukira sange kunakara asi kurugana unene, kufumadeka unene vanambudi ntani nomberewa dawo.
Ame nani hetekerako kukara kugwanange noureru, ntani mokugava nombudi dinayukilire, ngadi kara asi douhunga. ‘’ Ose natuvenye kuna kara asi sitambo setu simwe tupu, sina kara asi; twahepa kugava nombudi kovatungimo,’’ yimo ana kutanta Mbambo.
Nzodi zendi kuna kara, asi gahepa kuretesapo magwanekero gomape kumwe naPresidente novatungimo. Omu ana kutanta asi ngaretesapo magwanekero gomape asi presidente ngapi nagwanekera novatungimo. ‘’
Eyi kuna karamu nye asi varuganese nongendeseso donongwa, ngakara ana vakara mokugava nombudi, vantu vahepa kulizuvha asi nawo kuna hamene melikwamo lyangoso, matokoro gana kutunda komberewa zonene zampitisili gwetu,’’ Mbambo yimo ana kuhunga ngoso. -Nampa