Ondjou tji ya kondo omiramba i karira otjindjoona; ka ku nonḓenḓu. Omuatje womusyona ke nohiwo nu monyungu yerambu mu karasewa. Nu wina Maharero wa kaningirire ondunge ku Ketjimambo nu tji tja woro tji pura oina.
Okuwongera kumwe otjiperendero tji tja munikire ponḓiro yOmukuramenepo Rikondja Njaiva Karamata pondjozikiro ye porutavi rOmacedonia rombongo yOruhindo Oroviungura nda zuko mOtjomuise. Otja kozombinika zoruhoze pekepeke. Osondaha ve tjirwe ana ve mu toore oku kemusuvisa kOkamatapati kOkomutenja.
Onongo Rukee Tjingaeṱe, mo mbinika ye ndjaresewre watjere Karamata na ingwi ngwari omukuramenepo wOswapo kOmihoko Omikutasane, Theo-Ben Guriraba, aave kurasana oviṱuve novitenda mbya vi hwasana omireru. Guriraba aa ri kehi yovivava vyOmihoko Omikutasane otjOswapo ndja zemburukirwe i wo otjonguramenepo aiyerike yakatjotjiri ya Namibia. Posi ya Karamata aha yaruka ombunda a kuramenepo Oswanu. Apehe Oswapo pu iri tjandje otjizire tjOswanu okutuurungira mu Karamata opu tjiri. Nu ku Guriraba nOswapo Karamta nOswanu ave sana tjimuna okuiya monyama yawo. Otjeri otjikumise ku Tjingaeṱe kutja momberoo yOswanu ndino ndi kamu noviperendero vyovengi mbe i kondjera umwe wawo nguri Karamata.
“Wari Ombanḓe nu ouvanḓe we kau vazewa. Wari nombango ye omuini uriri yapeke. Eye wa tja: ‘ke nokurira omukarere kutja ohoromende i mu yakurire po kako’. Eye wari ohoze ombwa ndjai tjiwa “the skeleton in everyone’s closet (oura wonganda wakangamwa)”. Eye ongwari ye uriri momiano avihe posi kanaa twe mu ungurisa nawa mena reruru ndiri mokati kotjiwaṋa tjOvaherero. NJAIVA wari onongo ombwa tjinene,” Ombara Ipumbu Kazondunge we mu ririre nao, momambo warwe omengi.
“Omuzapamwe, Rikondja otjomundu ondoka ndjari motjitamba pondondo yomaunguriro wakumwe womahi novakuramenepo vomahi momahi yarwe wa sotorora omawoko wovengi va Namibia pOmuhoko Omikutasane kutja naṋi mave hakayenene ondjirakati nu pamwe ave toora okuyenda komurungu mongondjero yongutukiro. Omukuramenepo Asheeke, Lucia Hamutenya, Omuheṋendu Helmut Angula nOprofesa Mburumba Kerina.
Tjingetjo nonḓoneno wa yenena okusembamisa otjihungiriro tjoruwano pokati kOmuheṋendu Theo-Ben Guriraba nOmuzapamwe Hitjevi Veii,” Muvatera Ndjoze-Siririka wa tjere nao tja yandjere oruhoze rwe omuini na wina rOswanu. Ama tja eye wa panḓera motjiwaṋa ngandu keyuva esenina.
Tji tji he ri otjiṋa tji tji hi nomundu ngu meetji pataṋa. “Wari omukahuke tjinene kutja Otjiṱiro Otjindjandja tjOvaherero-Novakwena kamaa tji ungurwa nonguyu youmuhoko komeho nu tjingetjo wina kamaa tji ririsiwa otjiṋa tjopokati kozohoromende azeembari uriri ya Namibia noyEhi rOvandoitji.”