Taimi Haihambo 

Ongeleka yedina Church of Jesus Christ of Latter – day Saints oya yandja omambo eli 3561 keefikola da fika puhamano moshilandopangelo. 

Omambo okwa kwatelwa mo oilongwa ngaashi Accounting, Agricultural Science, Biology, Business, Chemistry, Economics, English, Geography, History, Mathematics, Physics no Science. 

Oshilyo shimwe shongeleka Womba Nashiwaya okwa ti eefikola dimwe odina omwaalu wovanafikola vahapu, novanafikola oha ve li hange nande vatano ta va longifa embo limwe, ashike paife eshi va pewa omambo ngaha otashi ke va pupalela. 

Ta ti ongeleka i hai yandje ashike ekwafo lopamhepo kovanhu ava ha veya kongeleka va pumbwa omailikano, ndele natango ohava kwafele yoo koikondo ya yooloka moshiwana. 

“Omambo aa okwa ongelwa ashike koimaliwa ya ongelwa kovakwashiwana veongalo lavo muAfrica alishe, opo va kwafele aveshe ava va pumbwa omakwafo,” Nashiwaya ta ti. Ovakwaneongalo vati oha ve li dilike luvali momwedi, yoo oimaliwa ei vena oku kala valanda oikulya tavei weda keongelo loshimaliwa shoku kwafa ava va pumbwa ekwafo. 

Momukalo ou vati ovakwaneongalo oku dilila komaongalo a yooloka mounyuni oo kumwe e na oilyo ya fika peemiliona 17. 5. 

“Ovakwaneongalo letu ohava kwafa ashike ovanhu aveshe. Kavena nee kutya omunhu omulaula ile mutilyana, omukwashiwana waNamibia ile eongalo. Fyee otu li lepo ashike oku kwafa aveshe ava va pumbwa omakwafo,” Nashiwaya ta ti. 

Church of Jesus Christ of Latter-day Saints eengeleka de li hanena ounyuni aushe, nomoNamibia ove namo omaongalo a fika pu atatno, nove lile po vati oku kwafa ovakwashiwana ava tava mono oixuna kondjala oshoyo momikalo dayooloka. 

taimihaihambo2000@gmail.com