Omulumenhu weedula 34 okwa kwatwa po eshi a hangika a humbata okofa mu na odede ashike okwa dopa okuyandja ouyelele kutya okwe i kufa peni. 

Omupopiliko wopolifi moshitukulwa shaHangwena Warrant Andreas Nghiyolwa okwa koleka ta ti omulumenhu ou okwa kwatelwa komukunda Ondobe oshivike sha dja ko efimbo lomutenya.

Opolifi oya hokolola tai ti omulumenhu ou natango oku na oshibofa sheteyo leumbo sha ningwa omudo wa dja ko.

Otaku hokololwa kutya odede oipe notai ulike inai djalwa nale.

Opolifi oya ti pefimbo omufekelwa a kwatwa okwa li ta ulike a fa omunhu ngeno ta i komhoko shaashi okofa okwa li e i litwika kepepe.

Oshiwana otashi indilwa kwaau a kanifa odede opo a kwatafane noshitaashi shopolifi kOndobe.

Opolifi otai fekele kutya pamwe odede oya vakwa molwaashi kape na ouyelele kutya oya uka peni.

Natango opolifi oye lipyakidila nokuninga omakonakono ngeenge odede ei pamwe oyo ya vakwa meumbo omudo wa dja kEenhana.

Omudo wa dja ko okwa lopotwa ovaholafani ovo kwa li ve li pokuhombola eumbo lavo la teywa ndele tamu vakwa odede osho yo eeshuta domushamane.

-fhamalwa@nepc.com.na