Taimi Haihambo 

Omulumenhu weedula 24 , wokomukunda Oniimwandi moshitukulwa shaShana okwa lopotwa a vakifa po otuwa yaina, oyo ei kufa meumbo shiheli paefelo nelalakano oku ka konga oonakulilandifa konhopa yaKandjengedi mOshakati. 

Onhopa yaKandjengedi onhopa imwe i li pokati kondjila yakula yaShakati naNgwediva moshitkulwa shaShana, noya shivikila nawa ovakainhu ava hava landifa omalutu avo molwoimwaliwa. 

Omulumehnu vati eshi a vaka po otuwa yaina, okwa ka pitula kaume kaye oo e li mushiinda shaye, vo va ye konhopa yaKandjengedi va ka tale ngeenge otava mono ko ovafuko. 

Eshi va fika ponhopa, manga ve lipyakidila nokupopya novafuko vavali – vati keshe umwe a li tapopi nawaye – okwa dja ovalumenhu ovo ve va ponokela nomakatana, voo tave vaundula mo mohauto keenghono ndele tave i shingi po. 

Mwene wohauto okweya ashike okulopota oshiningwanima po05h50 mOlomakaya. Ashike nande ongaho otuwa oya ka monika noyahangika konhele imwe yomanwino mOngwediva ashike oya hangika ya monifwa oixuna. 

Otuwa ei ya li ya vakwa po oitoka yoToyota D4D Dakar 3.0 i na ongushu yoN$400 000. 

-taimihaihambo2000@gmail.com