Ekuruhungi rotjimbere tja Namibia wina otjomomambo warwe tji tjiukwa otjokatanga komuinyo, kanaa riurisiwa nokuhina okutamuna Robbie Savage.
Carlos Kambaekua ma raisa nao membo re ohunga nekuruhungi rotjimbere mOnamibia Oritjatano nda tjiukisirue kotjiwaṋa nu nambano ndi mari yenene okurandwa mozonganda ozorandise zomambo na parwe pu mari yenene okuvazewa. Ovandu okuza motupa pekepeke, tjinene tu tu norupe notjimbere, Oritjatano nda zuko va kurasasanenen oviṱuve metuwo romerinaneno ratjimwe tjovira vyotjimbere ovikurukuru mehi ihi Oramblers. TjOvavapa uriri oruveze orukuru okuhina okupambauka nOkaraimbi inga ka Katutura ka //Nairova.
Robbie ovasuvere novatarere votjimbere otja tji mave mu tjiwa iumue wovayandjaruvara votjimbere mOnamibia nu tjinenenene otjira tjotjimbere tjehi. “Omuinyo we ngau suvisiwe momasa wovaṱi novakuru vetu,” Kambaekua ma tja. Wina ama zemburuka ovayaruke ovengi pekepeke eye mbu ma tja ovanatje vovasyona mbe hi na ohiwo. Tjimuna Daniel Tjongarero; Willy Tjongarero; Levy Riroo Hiamuṱiṱi; Claudies Katajee Kaunozondunge; Kaumbuti Tjiuma; Benjamin Kaurikarera Uanivi; Nguenḓu Maxie Mbaha na Levy Rikondja Komomungunda. Ae hi na okuzemba mbe ri ko nai wina tjimuna Asser Mbai; Lesley Kozonguizi; Ephraim Kasupi Mieze, Ben Kangaeva Karuuombe.
Embo ndi ra tara koviṋenge avihe vyekuruhungi rotjimbere mOnamibia okuutira komautiro watjo mehi ndi kehi yOvavapa mombura indji o-1910, ngandu momasurumukiro watjo mokati kOvazoozu ngandu ouzeu watjo moruveze rohuurire ngandu kundino ndi.
Ngamba ehore indi mu riṱenḓuna mena romauhepe pekepeke tjimuna ovanyande okuhino okusutwa nawa tjimuna ovanyande ovakwao momahi omararanganda tjimuna Osouth Afrika. Ndino ndi ovanyande ozohongora va Namibia tjimuna oo Deon Hotto; Peter Shalulile mu ve kondjera nu mu va rira omana omanene.
Yari ongurova wina omutjange notjimbumba tje tjomizumbi imbi ominyaambaze, Osingera, pu va nyaṋukisire ovaṋangwa. Embo romapatururiro wembo indi ra yandjwa i yomuyaruke Operesindenda oitjatatu ya Namibia, Onongo Hage Geingoba. Eye ngwa kuramenenwepo i yomukazona we Nangula Geingosa. Ongurova ndji ya tjitirwe nombatero yomunyande omukuru wotjimebre mOnamibia, Ivo de Gouveia. Nai omunagtjefa motjitamba tjomahundju.
Kambaekua otja tji mape tjiukwa wa seinina ae nyanda otjimbere motjira tjOramblers kutja otjo tji tji sekirise omatjiukiriso wembo re. Embondi mari vasewa po Kateta Printing poruveze