Auleria Wakudumo
Engela- posiruwo simwe kukara asi evango lyangesi kuna gwana mo ntudi Mbundu yiruganeso yosipangero yokutekauka, ngesi vana tjindji nye evango lyangesi likare asi tavaliruganesa wosipangero. Evango eli ngesi kuna kara asi lyokkeverera vakeke vana kara asi kuna vahampuruka noudigu ndi nouvera vavature nye moNICU, yipo vagwane muhaku gokuvakeverera mosipangero somomukunda gwaOhangwena.
Mukurona mosipangero sina Ndokotora Lukas Nghaamwakatente asi kutulisapo evango lyangesi kunbakara sininke sosiwa sili, omu tuna kuwapukuruara omu yipilima ntani vakeke vana kureta nouvera. ‘’ Ose kapi twakere noyuma komeho zeyi. Vakeke varetere asi kuna kara noudigu ndi vana hampuruka siruwo sahana kusikamo ose ngatu vatumu kosipangero sokoOshakati. Ano ngesi, ose kuvhura nye nayinye oyo kuyirugana moomu mosipangero setu saEngela. Sirugana sangesi nare sina horokako kuzumbanesa nomwenyo dovakeke ava vana kuhampuruka,’’ yimo ana kutanta. Evango lyepe eli tuna tulisapo alyo kuvhura kuturamo vakeke ntambali posiruwo simwe tupu omu vaturamo nomahina ntazimwe. Posikando sokuhova, omu vazinya vana vana kara nehuguvaro asi tagwana mbatero paapa poEngela vahana kumutuma koOshakati kosipangero sosinene. Pwanare wokureta vahana kusikisamo mazuva ntani vana kara noudigu mokuhampuruka ngatu vatumu kosipangero sosinene saOshakati. Yokuvatuma oko kwakere kwawo noudigu, nawo wokoOshakati kapi ava kara posiruwo simwe nomavango gana gwanene, ano sinano nye naso sangoso kuninkisa mukeke akare asi kapisi monoruwa. Ngesi nye moEngela NICU, ngesi kuna kara tupu asi yimwe yomauvera tuna kutuma koOshakati ndi asi evango lyetu lina zura. Nevango nye eli hawe vasesu vanona tuna kutupa koOshakati. Nampili ngomu tuna kutuma simpe vamwe hawe ose kuna kuvatera unene asi vamwe vavahakure poopo kumwe novakurona vawo, yimo ana kugwedako Nghaamwa. Evango eli lyepe, lyoNICU noyiruganeso lyayo nonomahina, nye sipangero kuna kuhundira simpe asi sina pumbwa mbatero. Yimwe eyi bvana pumbwa kuna kara phototherapy machines, CPAP machine, radiant warmers, infusion pumps ntani neonatal monitors. Nghaamwa kayinkondopekere asi evango lyokupungwira vana litjindji likare evango lyokupopera nomwenyo,simpe kuna kara asi egano lyokukwateramo.
Sipangero kuna kuhundira ministeli zoukanguki nekaro nawa vatungeko evango lyewa eli navaruganena vana kutumbura asi neonatal intensive care unit meraka lyovakwetu yipo tuvatere kukwama omu sivaro sovantu vana kuzeruka.