Presidente Netumbo Nandi-Ndaitwah kakagwenekerere kumwe nonompitisili dombunga mpatanesi zopaveta, Independence Patriots for Change, kembo lyenene lyosirongo momandaha gana puko. 

Sigongi sangesi omu nompitisili dopaupolitika dina kuyaligwanekera omu Presidente gosirongo katumbwidilire asi age ngatulisapo mpito omu nagwanekera nonombunga politika nadinye domosirongo, kuhamena maudigu aga vana kumona gopontambo zokuzeruka nokutulisapo mpo zopaupolitika omu navaruganena kumwe. Maliyongo aga gopontambo zokuzeruka Presidente kayakerepo kumwe nomupresidente gona, nkuru ministera, vaministera ntani vagavi magano kwaPresidente kumwe nye naPresidente gombunga zaIPC Panduleni Iitula ntani novaministera nye vendi vana kara asi mundunduma gokabinete. Nandi-Ndaitwah katente asi sigongi esi kuna wizirepo morwa etumbwidiro gatente moparliament asi epangero ngalitulisapo elikwamo lyokugwanekera kumwe nonombunga politika peke. ‘’ Kuvhura kuyidiworoka asi apa nahuyungisire muhoko, ame natanterere parliament asi, unene wonombunga mpatanesi, mokuza komeho, epangero ngalimuzigida komaloyongo. Ose ngesi nayina kuna wiza nye apa tuyature etumbwidiro eli mosirugana, yimo ana kutanta mukurona gosirongo. Iitula kapandwire kegano lyangesi, omu kapandwire Nandi- Ndaitwah mokukara asi yige presidente gokuhova gomukadi ntani mokuvazigida awo vakara asi nkenye apa kumuhuyunga. ‘’ Ose kuna hafa unene mokugwana mpito zangesi tuyaliyongepo. Ose tuna wiza nye tuna kara hena asi siruwo soge kapisi siwaawa morwa ove kukara nkenye apa novagenda, nye ose hawe nkenye apa tatundindkire koge, ove Presidente otupe magano asi ngapi tuna kutrura malikwamo ngetu,’’ yimo ana kutanta. 

Vana politika kuna kuyitambura ko asi sigongi esi hambara sitameke ngurangura nye kuna yatameke kositenguko morwa yinke yimwe yosirongo age kuna kupandura nokutanta asi ava vana kara mosigendo sendi vana hafa mokuyaliyongako. Age simpe katente asi mbapira zaPresidente kazikere zina zere nokutanta asi eyi vana kuyalikunda yokuhamena yininke yina gumu uzuni yina kara asi mulyo unene. Nokuyitambura asi elikwamo lyosigongi enene unene, nye aw okapi vana wiza asi vana liwa[ayikire nye kuna kara tupu asi vayagwane magano kwaPresidente. ‘’ Ose kapi tuna wiza nankenye eyi yina kara asi nampo tuyagave magano kwankenye sitwa, nye ose kunakwiza tuyapurakene, ntani tukare nye asi kutunda apa hawe kwakuruganena kumwe kupitira moumpitisili woge mufumadekwa Presidente,’’ yimo ana kutanta Iitula. –ljason@nepc.com.na