UNITED STATES okwa ndhindhilika aantu ye vule poomiliona ntano ye na omukithi gwoCoronavirus, uuyelele wa za koJohn Hopkins University tawu ti ngaaka mOsoondaha, aantu ye vule po 162 000 oya hulitha sho oshilongo shika tashi nyengwa okukandeka etaandelo lyomukithi nguka.
Omwaalu gwaantu moUSA ogwa li ogwa thiki po 5,000,603 ongula yOsoondaha, nomaso oge li 162,441, shika osho oshilongo sha dhaengwa unene muuyuni.
MoBrazil omwa sa aantu 100,000, nomu na aantu ye li oomiliona ndatu ya kwatwa. Omaso ogeli po 100,477 naantu ya kwatwa oye li 3,012,412, moshilongo shika shaSouth America sha dhengwa unene komukithi nguka, sha landula America.MoChile, omaso oga thika po 100,00 muule woomwedhi ntano konima sho omukithi gwa li gwa dhenge oshilongo shika somuLatin America.Aantu ye vule 10,000 oya li ya si koCovid-19 moSouth Africa.
shilongo shika osho sha putuka moAfrica oshin na aantu ye li 553 188 ya kwatwa komukithi, shika oshi vule petata lyaantu mboka ya kwatwa menenevi, noku li puutitano muuyuni.Omukithi nguka sho gwa li gwa tukuka moChina, ogwa dhipaga aantu 727 288 niipotha yaantu yi li 19 674 290, shah ala okutya miiwike tayi ya ngi9ika omwaalu otragu ka thika poomiliona 20. Shi ikwatelela komwaalu gwoAFP, aantu 11 665 200 oya aluka komukithi nguka.
Iitopolwa moFrance oya tula miilonga okuzala umask pomahala ngoka haga kala gi ipyakidhila olundji mpoka aantu itaaya vulu oku ikala kokule. Kehe ngoka ta ka enda mokati kondoolopa, nenge ta talele po omahala gaapashiyoni nenge ta landa iinima momapandaanda ngoka gu udha ota ka pumbwa okuzala okamask, na ngele okwa tindi ota ka pewa egeelo a fute oshimaliwa.Oondoolopa dhontumba komunkulofuta gwaBelgium odha ti otadhi ka indika omainyengo gaamntu konima sho opolisi naagundjuka ya li yi ipumu mumwe, konima sho aagundjuka ya li ya lombwelwa ya thige po ehala ndyoka.
Oondoolopa mbali moBelgium ndhoka dhi li popepi noongamba dha Netherlands, odha ti odha kutha onkatu ya gamene oshigwana. MOsoondaha New Zealand okwa li a gwanitha omasiku 100 inaamu lopotwa oshipotha sha sha. Omu na aantu ye li 23 ye na oCovid, ashike ayehe oya za kaantun mboka ye yam o moshilongo shoka noye li ya ikalekelwa ngashiingeyi.
– Nampa/AFP