Oposa ya Namibia, ousupi OnamPosa, nambano ndji na otjiungura tjokuhandjaura omweze auhe otjimari ku kangamwa mbehavara otjimariva tjo ku ri vatera.
Otjo va hepauke momwamo umwe poo warwe nu ngwari ka ina ku vatera imba mbeya momayuva ngeheri wawo wokuhavara. Omahavarero womweze imbwi ngu ma yeutu Oritjavari. Mba kapitisa omayuva wawo wokuvaterwa ka vena oku vaterwa momayuva wovakwao varwe. Omasutiro inga maye tjiukisiwa momirari vyo korukuiwko vyo ratiyo yo Namibian Broadcasting Corporation (NBC).
Umwe wawo mburi Omurari Wondjivisiro Ombaranga. Ngunda ingo wa mbena oukarata woposa nge tuurungira motutavi twoposa ya Namibia ama yeutu (3) Oritjavari rotjiveke tjima tjiyende, omayuva tjiyeri yane (4) ku Tjikukutu nganduu kOritjaine omayuva tjiyeri hamboumwe (6).
Ovakurundu mavehavara pokati okuza tjiyeri omurongo (10) ku Tjikukutu nganduu komurongo na yetatu (13) komweze tjinhewo Tjikukutu. Ngunda ovanatje novaremane ama ve kungwa pomake tjiyeri omurongo nayane (14) nganduu omurongo nayetano (15) ku Tjikukutu.
Mbehavara otjimariva otjihite tjombutiro mave zemburukwa tjiyeri omurongo na hambomdatu (18) ku Tjikukutu nganduu omurongo namuvyu (19).
Munao Oposa otji ma ikwammebere ko ovahavare tjinene nu nomasa kutja okupandera pomayuva wawo wokuvaterwa otja tji ma ya tjiukisiwa noku tjiukisiwa nu tjinene okurira ovaharupu no ku tira ovakurundu novaṱukare kutja vetenge okuvaterwa.
Komurungu OnamPosa ka tjaivanga kutja ovaparuke veende kokure kozoposa mena rokutja otuveze two ma sutiro ma tu twarewa kuwo kutja ovo ave hamunu ouzeu.
Eyuva arihe OnamPosa ma i tjivisa kotukwiko two NBC ovimbumba ovisute mbi ma vi nyinganyinga potuveze notuveze. Tjingetjo oviraise vyondjivisiro mavi turikwa pozoposa azehe oku raisa oukahu imayuva worutuu romasutiro.
Wina OnamPosa mainingire nomutima auhe ondjesiro ko va havare avehe novaza pamwe mbaṱunwa navi mu kangamwa omwano poo ongaro okuza komautiro womasutiro iyo. Otjo tjiungura otjitenga kuyo nu tjitjeya ohakahana ngakara noupotapota ngu ya kara nawo.
Po siya nambano ovimbumba avihe ovinyinganyinge viri kovipato.
Oupotapota auhe mbu ya kara nawo mo mautiro nambano ye u virurire okuza nganda yautire otjiungura itji omweze mbwazuko, Seninaṋi.