Auleria Wakudumo 

Ndeshipewa Angula, okakadona dingi koMiss Earth Namibia 2025 oke shi pondola okuya medingonoko e-25 loukadona dingi ovo va kufa ombinga mefiyafane po eli. 

Angula ota kufa ombinga mefiyafanepo lokakadona dingi koMiss earth mounyuni, efiyafano tali ningilwa modoolopa yaManila moPhilippines. 

Neudo, eedona 78 okudja koilongo ya yooloka oda kufa ombinga mefiyafane po eli. 

Odula yad ja ko, Tina Haimbala okwa kalela po oshilongo mefiyafano la faafana nokwa li eshi pondola okutula oshilongo ponomola 12. 

Eshi oshali osh ikando shotete Namibia eya ponomola yopopepielela nokuvena efiyano lokakadona dingi koEarth mounyuni. 

Noneudo, Angula ota ende teli fele nomukumo nonondjungu okutula epandela loshilongo pombada. Angula okwa li umwe womoukadona dingi vatano ovo vali va vena ofiyafano laMiss Namibia neudo olo lali la ningilwa mOngwediva. 

Angula okwa li yo a vena epaya hali ifanwa Miss Congeniality. 

Fiyo opapa, Angula okwa kufa ombinga mokunyamukula omapulo kovatoolinghundana, edingonoko lokuyowa omo oukadona tava ulike oikutu yavo yokutwa omeva, omudjalo woshilongo shavo omo tava ulike eenghulunghedi doshilongo oshoyo edingonoko tali popile ekwatele po lomidingonoko. 

Angula okwa li a holola omudjalo waye woshilongo, oo wa fimaneka omunghoko woshiwana shovaMbunza moNamibia. Omudjalo waye owa longwa keenyala notau holola efimano lomukainhu wovaMbunza. 

-wakudumoauleria@gmail.com