Likwambuyu wa Makete ni Pabalelo ya Sicaba, Dr Esperance Luvindao, upatuluzi kuli mapokola bamashumi aketalizoho ba Katengo ka Tolopo ya Windoko, bamwanda kabashumi aketalizoho ba sipokola sa naha, ni bamashumi asupile kaba ketalizoho ba sipokola sa litolongo, bafumani lituto hala kutalimana ni litaba za makete amunahano. Luvindao nabulezi zeo mwa Ndu ya Milao Labulalu hana alabela kwa lipuzo hala Mulao olelilwe wa Makete amunahano wa silimo sa 2025 one uyalilwe cwalecwale.

“Likolo la makete ni pabalelo ya sicaba lifile lituto zebalwa kwa Sikpokola sa Tolopo ya Windoko, Sipokola sa Naha, ni Babeleki ba kwa Litolongo hala litaba zabutokwa za makete amunahano, kutatuba makete amunahano, likalafo zapili za munahano ni kutatulula linako za putako za makete amunahano, hamoho cwalo ni nikutatulula litaba zecwale ka bakuli babahalifile,”” nabulezi.Natalusize kuli nihaike nombolo yabane bafilwe lituto ibonahala bunyinyani, kono mutomotuna wa lyano le ki kushimbululela zibo kwa mapokola kuli bakone kutalimana ni mapantiti babana ni butata bwa makete amunahano,” nabulezi.Kwamafelo akweli ya Yenda unumwaha, Likwambuyu wa Mabasi, Miseto, Silelezo ni Buiketo, Lucia Iipumbu, hana bulela hala mulao wo, ni yena nahatelezi kuli lituto kuzwelela kwa macaziba kizabutokwa kwa mapkola ni babeleki ba kwalitolongo sina habatalimana ni mapantiti babañata ba ba katazeha ni makete amunahano. Iipumbu naize hala mapantiti ba 4 500, ba ba likana 671 bana ni butata bwa makete amunahano mapokola baswanela ku alabela teñi.

-Nampa