Taimi Haihambo
OSHAKATI – Opolifi moshitukulwa shaShana oya handjakanifa oufano vongushu yomiliona N$1.6 meedoolopa di li meni loshitukulwa, nelalakano loku tala oimbuluma, unene ei hailongwa mefimbo lomilaulu.
Omukulunhu wopolifi moshitulukwa shaShana Naftal Lungameni, okwa ti oufano ovahandjakaninfwa meedolopa ngaashi Oshakati, Ongwediva, Ondangwa oshoyo eedolopa dopopepi ngaashi Omungwelume nadi kwao da wedwa po.
“Oufano ava ova nhuninwa oku ninga oilonga yopolifi ipu, unene tuu ngeenge tashiya pokulwifa oimbuluma, oshoyo okuingabeka ngaashi moNamibia alishe koonono,” ta ti.
Okwa twikila kutya eshi va tula oufano momapandavanda, oimbuluma moshitukulwa nayo oya shuna pedu neepelesenda 12.5.
“Eshi ota shi ketu ningila shipu mokulwifa oimbuluma, shaashi eedolopa dihapu paife ohatudi kondolola nawa,” ta ti ngaho.
Kakukutu komanga opolifi Joseph Shikongo, oo ali eya okupatulula opoloyeka youfano paveta okwa ti, opolifi moshitukulwa shaShana ota I ulike eli tulemo nao mokuxupupalifa oimbuluma.
“Onghee onda hala oku yandja olupandu lonomena wina kelelo lopolifi moshitukulwa ashishe shaShana koonono, molwa oilonga yomupondo ei va longa, mokushunifa oimbuluma pedu moshitukulwa,” ta ti.
Okwa yandja yoo omapandulo komahangano aa a kufa ombinga mokutwifa ondjodi yopoloyeka ei oshili.