Auleria Wakudumo 

Okapale komaudano kaNdangwa moshitukulwa shaShana oko keli metifa lokutungwa natango otaka ka kala pomufika woFIFA osho yo oWorld Athletics Standard, hano taka ka kala ponghatu yopombada paunyuni mexumokomesho. 

Okapale oko haka ifanwa Ondangwa Sports Stadium otaka ka lundulula omaudano konooli notaka ka twa ovanyasha vahapu omukumo okukufa ombinga momaudano a yooloka. 

Eshi sha tamekwa onga ondjodi yelelo doolopa yaNdangwa paife otashi ningi shoshili efiku nefiku. Okapale oka hovelwa okutungwa 

Okapale oka tamekwa okutungwa mo2023. Oinima yopehovelo ngaashi oku oya pwa nale okulongekidwa 

Okapale itaka ka kala ashike ketanga, ndele otaka ka kala yoo haka tondokelwa, mu na oikwa noipangifo yokunhuka omhani, omhana, naikwao aishe i li pamufika woWorld Athletics Standards ngaashi hatu va mono koradio yomudidimbe. Okapale otaka ka kala yoo haka longifwa vati komaudano a yooloka ngaashi orugby, etanga lomokambaba, naikwao. 

Nande okapale ka tamekwa okutungwa nale, ondjodi yelelo lodoolopa yaNdangwa otai ningi ashike yoshili ngeenge omahangano opaumwene noikondo yepangelo ya yakulafafana okuyambidida Ondangwa. 

Odula ya dja ko muSeptemba, ehangano loNamibia Fish Consumption Promotion Trust (NFCPT) ola yambidida etungo lokapale komaudano mOndangwa noshimaliwa shoN$300 000. 

Omukulunhu wo-NFCPT, Victor Pea okwa li a holola kutya ehangano lavo ola itavela kutya oproyeka tai ningwa kelelo lOndangwa oya fimana shaashi elelo otali lalakanene okuhanga amwe omalalakano a fimana moshilongo. 

Epangelo, okupitila mouministeli wehongo, oungoba, omaudano novanyasha otali longo noudiinini okuyambula po nokuxwaxwameka omaudano moshilongo. 

-wakudumoauleria@gmail.com