ONGENGA – Omupilima Elijah Ngurare okwa ti, ombelewa yaye otai twikile okukaleka po ekwatafano liwa neengeleka molwaashi otadi dana onghandangala yakula moshilongo.

Ngurare Osoondaxa okwa talela po ongeleka Ongenga Elcin moshitukulwa shaHangwena.

Okwa li a enda pamwe nangoloneya waHangwena Kadiva Hamutumwa.

Eongalo laNgenga okwa li la hafa eshi la talelwa po kOmupilimaminista woshilongo.

Neudo Ngurare okwa talela po omaongalo a yooloka nelalakano lokukaleka po oukumwe.

Ngurare okwa lombwela oshiwana opo shi twikile okukala shi na ombili noukumwe novashiinda shavo.

“Ngeenge ou na oikulya ihapu topolelafana namushiinda shoye. Kaleni mu na olukeno noushiinda uwa,” ta ti.

Okwa weda po ta ti, osha fimana ngeenge ovanhu ve na oushiinda wuwa shaashi mongula mushiinda shoye oye ta lotoka ngeenge u na oupyakadi ile oshiponga shomundilo.

Ngurare okwa lombwela oshiwana ta ti, epangelo otali twikile okuyandjaneke omayakulo mwa kwatelwa ehongo loshali tali tameke omudo tau ya koiputudilo yopombada.

“Ovanyasha ova ninga omaindilo eepoloyeka doshimaliwa osho tashi ka yandjwa kepangelo,” ta ti.

Efiku olo Omupilima okwa yandja oshimaliwa N$3 000 kofikola tOsoondaxa yomeongalo Ongenga Elcin.

-fhamalwa@nepc.com.na