Taimi Haihambo 

Minista womakwatafano okondje yoshilongo Selma Ashipala- Musavyi okwa ongalifa ovanageshefa vokEenhana, moshitukulwa shaHangwena oshivike sha dja ko va kundafane shinanomilandu domangeshefelo avo, nonghee tave shi endifa moshitukulwa. 

Ashipala-Musavyi okwa ti omutumba wavo owa li u na sha unene nokuyandja eemhito doilonga okudilila momukalo wongeshefa, eemhumbwe dovakwashiwnaa osho yo omashongo aa hava kala va taalela efiku nefiku. 

“Ediladilo letu ongepangelo otwa hala okukala twa yandja omayambidido kovanyasha tava kendabala nomangeshefelo opedu, ngeno hatu kufa ve li 6 000 keshe odula moule weedula nhatu twa finda. Fyee natango ngeno hatu yambula po omangeshefelo opedu oo e li komaushai, tu a tule pondodo i li xwepo, ngeno e li 20 000 natango, oule weedula nhatu twa finda,” ta ti. 

Ngoloneya woshitukulwa shaHangwena Kadiva Hamutumwa oo naye a li momutumba okwa ti, oikwafifo ei ovanyasha tava pewa kepangelo, ngeno nave i tule mounamapya shaashi nawo ou na ondjila ya ukilila. 

“Ounamapya otau dulu okweetela sha omunhu mondjato efimbo keshe, wo shimha wa nenepala natango otau dulu yo okuyandja eemhito doilonga kovanhu vahapu, ava tava kala tava longo moikunino,” ta ti. 

-taimihaihambo2000@gmail. com