Taimi Haihambo 

Ombelewa yoshikondo shokupanga oinamwenyo oya li i na omutumba nokomitiye yoLivestock Products Board u na sha nokukunghilila ovanafaalama vaNamibia nghee ve na okuamena oimuna yavo komukifi wekondo nelaka. 

Okomitiye oya yandja ouyelele kovanafaalama, nghee ve na okuyakula oinamwnyo yavo ngeenge tai ulike oididiliki yomukufi wekondo nelaka. 

“Oinamwenyo ei hai kala oihakakanwa yomukifi wekondo nelaka unene ongaashi eengobe, oikombo, eedi osho yo oingulu,” okomitiye tai holola. 

Okomitiye oya yelifa kutya omadidiliko opetameko e na sha nomukifi moinamwenyo ya tumbulwa pombada ongaashi, oipute yomokanya osho yo komilungu, oshinamwenyo tashi di omayeye ahapu tashi lilafalafa luhapu komulungu ile tashi likweshenga komayoo. Vati natango ohai kala i na oipute komakondo ile omakondo a tenda. 

Okomitiye oya yandja omalandulafano osho yo omilandu edi di na okushikulwa ngeenge tashi ya pokukelela omukifi ou. 

Oimuna ngeenge ya didilikwa vati nai likalekelwe. Ngeeenge oshimuna otashi efa omayeye ahapu ile shi na oipute nokulilafa luhapu komulungu nai kale ya idililwa opo i likalekelwe. Oimuna ei i na oundjolowele nai kalekwe kokule naayi tai vele. 

Ovanafaalama ova kunghulilwa yo kutya shima va mono oididiliki yoludi eli, nava ninge onghendabala opo va twale oimuna kombelewa yoshikondo shokupanga oinamwenyo. 

Ova kunghlilwa yoo vaha kale mekwatafano noinamwenyo ei tai ehama, vo nava kale ve lidjaleka olutu alishe ngeenge tava i mekwatafano nayo. 

Okomitiye yoLivestock Products Board oi na sha nomaungaungo oikulya osho.yo eemhumbwe dihapu da pamba oinamwenyo. 

-taimihaihambo2000@gmail.com