Auleria Wakudumo 

Omukalelipo wokakomisi komahoololo koElectoral Commission of Namibia (ECN) moshitukulwa shaShana Amon Oiva Haimbangu okwa holola kutya ove lilongekida, okudja kovanambelewa fiyo okoikwafifohongo ngaashi oushina, eembapila noilongifo aishe, novanambelelwa ova hovela nale okututila keesenda davo okulilongekidila omahoololo oo taa ka kala ko mEtitatu. Haimbangu okwa holola kutya ova tuma ovanambelewa vomahoololo koi kandj oho ololo ai s h e moshitukulwa nova teelela va kale va mana okutuma ovanambelewa ava va xupa ko nena. 

Meenghundafana naKundana, Haimbangu okwa holola kutya ova tameka okutuma ovanambelewa Osoondaxa, omo eengudu 11, da tumwa di kalele po oikandjohoololo 11 moshitukulwa. 

Ovanambelewa ovo va tumwa Osoondaxa otava ka kwafela omahoololo onhomenawina oilyo yetanga leameno novanambelewa vamwe va wedwa po moshitukulwa. 

“Onghela, ECN okwa tuma eengudu 58 koitukulwa ngaashi: Okatyali, Uuvudhiya, Ompundja osho yo Uukwiyu-Uushona. 

Eengudu edi oda tumwa molwoukokule weesenda davo. 

Eengudu dikwao odo da xupa ko otadi ka tumwa keesenda dado nena nokukwashilipaleka kutya keshe posenda yomahoololo ope na ovanambelelwa ngaashi shi li sha tulwa moilonga ku-ECN,” Haimbangu ta holola ngaho. 

Haimbangu okwa holola kutya ova wedela eesenda domahoololo moshitukulwa opo va xwepopaleke omikweyo dile novanhu tava hoolola omaufiku moshitukulwa. 

“Eesenda oda wedelwa, nodi fike po 442 paife, mwa kwatelwa eenhele domahoololo dopakafimbo. Otwa kendabala yoo okushunifa eenhele dopakafimbo nokuninga eesenda dihapu opo ovanhu va dule okuhoolola efimbo keshe,” Haimbangu ta ti. 

Nande aishe i li peenhele, Haimbangu okwa holola kutya ECN okwa taalela omashongo ovakwashiwana tava shuna omitwe moipeta kombinga yelongifo leetuwa davo odo vali va yandja ku-ECN. “Ovanhu 12 ovo va li va yandja eetuwa davo ko-ECN inava hala vali da longifwa. 

Ngaho osha yela kutya out na okukonga eetuwa 10 ndele hatu di shuna ponhele yaado da dja po nena,” Haimbangu ta holola. 

Nande ongaho, okwa ti eshi inashi tulifa ECN omutwe kepepe shaashi natango okwa ka konghola peenhu dovanhu opo yoo natango a mona ekwafo ngaashi kwali eli mona pehovelo. 

ECN okwa mona ekwafo leetuwa 330 moshitukulwa shaShana. 

-awakudumo@nepc.com.na