Keshe etameko lodula meefikola di hapu, oha li tameke novanafikola tava kufa ombinga momaudano ayooloka, va dule oku holola oitalendi yavo, nelalakano loku ka dana no ku kalelapo eefikola momaudano ayooloka.
Ei ohai kala omhito ihafifa noilolokifa kovahongi, unene tuu ava hava kala koshikondo shomaudano, shaashi ohava kala ve li pyadikila noku longekidila ounona momaudano ayooloka.
Immanuel Heelu omuhongifikola koshitukulwa shanooli, okwa ti voo oha vafi oshisho kutya eshi efimbo lomaudano ta li ka pwako, voo navo ova ninga ehoololo li li mondjila, shaashi ounona ava hava hoololo ovo va teelelwa vaka kale va kelapo ofikola momadano ayooloka oule wodula aishe.
“Efimboeli oha li kala yoo omhito iwa noya fimana fimana kounona shaashi, ohai yandje omhito kovafikola vape naava vakulu omhito yoku shiivafana, oshoyo ekwatafano li wa mokapale,” ta ti.
Lamek Heita omunamido 16, okwa ti yee okwa kala ahala efudo la pawako, shaashi okwa hala oku ka ulika oshitalendi shaye kofikola ipe oku tai.
“Onda kala yoo nde li pyakidila noku ninga omadeu ange moudano wetanga, opo eshi efimbo ta li kafika, onda pyokoka nawa,” ta ti.
Okwa ti ondjodi yaye ngeno oku li ulika nawa, opo adule oku ka kufwapo, akale omukufimbinga womwaava tava kala hava ka kalelapo ofikola moudano wayooloka.
Eveline Hamutenya oo vati naye ta katameka ondodo onhi hetatu naye pofikola ipe okwa ti, yee oku shii oudano womokambaba nawa.
“Eshi sha kala hashi nyamatifange unene osheshi kutya, pofikola apa nda dja ovanhu kava li vehole oku pange omhito yoku dana etanga lomokambaba molwa ouxupi wange. Paife shaashi onda yuka mondodo yafa yakula, pamwe handi ka pewa ngaho omhito ndi holole oshitalendi shange,” ta ti.
Eefikola odo da tameka nena, oda teelelika dika kufe ombinga moudano ayooloka moule woivike ivali yopetameko, nelakano loku hanganifa ovanafikola pamwe, oshoyo oku hoolola ovo tava kakala hava kufa ombinga moudano oule wodula aishe.
