Omuhikingalo Fillemon Gideon atseyika nawa nedhina lyokembako Kapax okwa ti ota ka pititha album tayi ithanwa ‘Pooha Dhopate ‘mu Apilili nuumvo. 

Gideon omukalimo gwaSwakopmund ashike okwa yambukile komukunda Iikango, koshitopolwa shOshikoto. 

“Onda tameke oongalo nale oomvula dha ka pita,nohandiimbi oongalo dholudhi, Amapiano Pantsula,Gospel,” ta ti ngaaka. 

Ta fatulula kutya oshiholelwa okwe shi kutha kaaSouth Africa. 

Ta ti, okwa tokola nee a pitithe okangalo kamwe, ha ta kati pooha dhopate, hoka a mono kutya aatu oyendji oyeka hole unene, oshoka ogendji oye hole okwiitanga kutya oya za pooha dhopate. 

“Aantu oya kala noku pulandje kutya, onda dhiladhila shike opo ndi hike ongalo tayi ti, pooha dhopate. Eya mukulo lyandje otali ti, okwa li ndi wete oshilongo sha pumbwa okumwenyekwa nongalo yiikalekelwa, sho osho nda tokola okuhika ongalo ndyika,” ta fatulula ngaaka. 

Gideon ta ti, aantu oyehole ongalo ye ndyoka, ashike oyendji inaye mu tseya natango. 

Ta gwedha ko kutya, ina hala okudhimbwako omumwayina kadhona ngu eli omuhiki ngalo natango atseyika nawa nedhina Ms Gideon, ngoka anuwa a kala te mupe omukumo gokuya kostudio. 

“Onda hala ashike okutsa omukumo aahikingalo aakwetu kutya, naya pule komeho nonando yena okupitila momashongo.Kehe ongalo taya imbi nayi kale yina etumwalaka lishi okupulakenwa kaanona nokaakuluntu,” ta kumagidha ngaaka. 

Gideon okwa ti, oha hikile oongalo dhe kOngushu music production, ye natango okwa longo pamwe na KILLA-B ngoka ali a hiki ongalo yo shiwike nawa “Eliko”. 

Natango okwa longo pamwe na Recordnation. 

– vkaapanda@nepc.com.na