Epangelo lyaNamibia osho wo Iigwana ya Hangana oya tsu kumwe okutula miilongo ooproyeka osho wo ooprogalama tadhi humitha komeho iilongo.

Ndhoka odha li dha kundathanwa ethimbo lyomutumba gowina, sho omukwatakanithi gwaakalimo yIigwana ya Hangana, Hopolang Phororo a li a talele po Omuprima ElijahNgurareEtiyalilyoshiwikeshika. Sha ikwatelela komushangwa gwa pitithwa kOmbelewa yOmuprima, aaleli mboka yaali oya li ya dhenge omuthindo nkene ye na okulonga okutula miilonga ooproyeka tadhi humitha komeho iilongo.

“Oya li wo ya totha mo mpoka tapu vulu okuza omakwatho gepangelo ngaashi iilongitho yokuxwaxwameka ooproyeka, osho wo okukandula po omaupyakadhi haga vulu okuya po ombaadhilila, ngoka haga pumbwa omayambidhidho gepangelo ngaashi gopaushitwe,” ya fatulula ngaaka.

Omushangwa ogwa lesha wo kutya, aaleli oya li ya kundathana nkene Iigwana ya hangana yi na okukwathela Namibia opo a  pondele  shoka  a  uvaneke metengenekothaneko ‘lyoSixth National Development Plan’.

Omuprimaminista Ngurare, ngoka a kala nokukumagidha aanyasha ya longe neyitulemo, okwa li wo i indile Iigwana ya hangana opo yi yambidhidhe Namibia okukandula po onkalo yokwaa na iilonga, uupyakadhi mboka wa taalela aanyasha moshilongo.

“Okwa thindi omuthindo opo aanyasha ya kale ya kwatelwa mo mooprogalama ndhoka tadhi humitha komeho iilongo, opo ya vule okuya po niilonga osho wo okunyangadhala,” omushangwa gwa les

-vkaapanda@nepc.com.na