Auleria Wakudumo
Minista wehongo, oungoba, omaudano novanyasha Sanet Steenkamp okwa indila eefikola, ovadali osho yo ovatonateli vovanafikola meefikola opo va file ovahongwa oshisho.
Minista eshi okwe shi holola pefimbo ta wilike oshiongi shoilyo yehongo moshitukulwa shaTjozondjupa.
Steenkamp okwa indila opo ovatonateli vovahongwa kutya ovahongi, ovadali novatekuli vounona, ovatonateli vavo momuhandjo novanhu momidingonoko opo va tule omilandu dokutonatela ovahongwa moilonga.
“Ovahongi, ovadali novatonateli vounona nava djale onyati ndele tava tula omilandu edi moilonga tava landula nokuwilikwa kokatendo ko2020. Okatendo aka ohaka kwafa opo ovahongi va didilike omikalo dovahongwa ovo va hala okufiya po ofikola nokuyandja ekwafo lomeendelelo,” Minista ta ti ngaho.
Pefimbo ta kundafana noilyo yehongo moshitukulwa shaTjozondjupa, minista okwa holola eudonai laye eshi ovahongwa ve fike po789 moshitukulwa va lopotwa va fiya po ofikola mo2025.
Steekamp okwa holola yo kutya elalakano lehongo ohali hangika ngeenge ovanhu tava landula omilandu neeveta dehongo noku di tula moilonga. Okwa ti elongelokumwe pokati koilyo yehongo okudja momudingonoko, mofikola osho yo koikondo yehongo yopombada olo Kamana kaNdongo okuhanga elalakano lehongo.
“Oveta yoshilongo oya yela eshi tai holola kutya kape na okaana ile omunafikola a pitikwa okufiya po ofikola omanga ina mana eengulu dopetameko ile manga ina wanifa eedula 16,” Steekamp ta ti ngaho.
Minista okwa twikila ta ti nande ongaho onghalo yovahongwa tava fiye po ofikola nande pena oveta ili ngaha oya pumbwa otulonga oshilongwa opo tu katuke eenghatu dopombada okukwafela keshe okaana. Steenkamp okwa indila ovanhu va longele kumwe opo ounona va kalekwe mofikola nokumana elihongo lavo.
Pefimbo loshoongalele, oilyo yehongo moshitukulwa oya kundafana nghene vena okushienda opo va lundulule oidjemo yavo yomudo wa ya.
Oidjemo ya kundafanwa momutumba otai ka kwafa oshitukulwa opo va tule moilonga aishe ya kundafanwa nokuyambula po ehongo.
Oshitukulwa shaTjozondjupa oshe ya ponomola onhihamano moidjemo National Senior Secondary Certificate Advanced Subsidiary (NSSCAS).
-awakudumo@nepc.com.na