Ehangano loAnti-Corruption Commission (ACC) olo hali ungaunga noibofa ya nyika oulingilingi osho yo oukengeleledi ola tulifa ndokotola Sydney Mulenga Munkonge konima yekumba, molwaashi ta fekelelwa oulunga woimaliwa mekwatafano noukalata vopaumwene vovanaudu voPublic Service Employees Medical Aid Scheme (PSEMAS).

Munkonge oo e li ondokotola yomayoo osho yo mwene woipangelo ivali shimwe omoRundu sho shikwao omoGrootfontein i li koshi yedina Sydney Dental Therapists CC, ota fekelelwa vati a pitififa oimaliwa oku dilila kukalata vovanaudu shiheli pashili, voo vati ovanaudu ovo inava pewa ouhaku oo tava futile.

Olopota oyo ya yandjwa ko ACC oya yelifa kutya   oimiliwa ei yakufwa koukalata ava oili N$405,675 noya kufwako okudja mo 2013 fiyo omo 2017.

ACC natango okwa yelifa kutya omapeekapeko okwa ningwa oku dulila keembonge dovapanguli vakula, vati  Munkonge oshina eshi owa kala teshi ningi ovanhu vahapu.

Munkonge vati okwa holoka momangu ya magistrate ko Grootfontein, oshivike sha djako, nokwa pewa oboloha yo   N$50,000.

ACC okwa ti Munkonge okwa teelelika aholoke momangu mo 26 ya Febrauli neudo.

Ehangano eli natango ola yelifa yo kutya ota li twikile noku kalekapo elandulafano moshilongo, oshoyo oku eta pouyelele, keshe omalinyengo enasha noulunga oshoyo oukengeledi moshiwana.

taimihaihambo2000@gmail.com