Omutjange wOmonganda

Momyandero womweze mbwazuko imbwi Rozondu omupangure wOtjimbanguriro Tjokombanda Essi Schimming-Chase otjapere Oministera yOmekurisiro wOvihuro nOkozombanda, James Sankwasa, omayuva o-90 oku zengurura ondjakaha yombara yOuhonapare wOmbazu wOvangiriku kutja uhare ngwasere okuyaruka motjihavero.

Schimming-Chase wayepisire ondiero yo ministera ndjaripo, Erastus Uutoni, yomayuva tjiyari 12 ku Ndengaņi mo 2023 oku yakura omaurukiro Maraghuli Felix Mashika otjombara. Schimming-Chase etenga weiyarurire koministeri naraa kutja Oministera itarurure motjiņa itji nu itoore ondiero ndjapwire otjakoveta yombazu youhonapare imbwi. Otja ku Schimming-Chase Uutono nOkomiti Ongondononone yOministeri kai tonene mo ku “zikamisa oupwe oveta yombazu mo ma pingasaneno wotjiwana tjombazu tjOvangiriku”. Naryama komurngu kutja ondunge yOkomiti Ongondonone yokuzika Mashika otjombara yari omahaka tjinga “apehari otjihorera kutja omomambo, ouhatoi poo omatjangwa.”

“Oveta yombazu tjiyazu nokuraisiwa, maiso okuungurisiwa kowatjiri okutwapo kutja omuurikwa uņe ngwasere okuzikwa otjoimbara. Oministera wina yasere okuraisa kutja onidero indjo omenaratjike no ku handjaura kutja oveta yombazu mwatarewa nongwaye omuvarekwa tja yeneneka oviheperwapo,” Schimming-Chase waraa nao. 

Era rOtjombanguriro indi ra kongorere eningira kutjo ra Bartholomeus Kayoka, ngutja eye ongwasere okuyaruka motjihavero tjombara. Meningira re, Kayoka, ongundue ya Mashika, matja omangeneno yeza ko ma kongorerasaneno komatambo otja koune monganda youhona tjazumba aye kongorerwa iyo maurikiro iyeţundu rouhona. Ama pandere pokutja indji eye oondjira ndje mu yeta kotjihavero.