Outjo- sure zakara moOutjo avatumbura asi Outjo project Primary school kavagwene uhwi wokusika koN$50 000 zina kutunda koLuderitz Karaku Marine Fishing company sivike sina puko. Eyi kavagwene kuna hamenemo ehina lyokufukisa yipambira, ntani 15 yimbapira yina vana kutumbura asi noream.
Ogu nye kakageve uhwi owu koOutjo, Karaku Marine mukurona gwawo pamberewa Ignatius Tjipura ogu katente asi awo kugwan mauwa gawo momarunone gomaNamibia makura nawo yiyo nye vatokora kutengwidako kuwoko kovantu, unene kerongo, momukulika vadinkantu ntani kuwapukurura nkarapamwe. ‘’ Ngovantu nye atu gwana uwa kupitira momarunone, omu twagwna nombapira dokuvhura kuhuga nomfi, makura ose kwayimona asi uhwi nmdi marunone aga kwakara asi govaNamibia,’’ yimo ana kuta Tjipura. Ogu nye kakere ana kutambura uhwi ou, mukwatelimo mukuronaa sure zaOutjo Project Primary school Dolman Kapende, katente asi sure posiruwo esi kuna kara tupu nehina lyenunu, omu nye valiranda noyimaliwa yokutunda kepangero, ano mahina nye ezi zompe hawe navafukisa nye yimbapira yoyinzi ntani kugenderera, omu nye nayininkisa erongo likare lina wapa ntani moomu yawapera.
Sipekutora gerongo moKunene, Nuuyoma Amutenya, posiruwo nye oso kapandwire Karaku Marine Fishing koyo kavagene uhwi owo, katente asi sure simpe kuna kuziwapukura simpe kuna pumbwa yiruganeso yimwe. ‘’ Sure kwazipaturura siruwo oso vazigazarere asi yipo ngazipaturuka sahana kusika, azo simpe kuna kara asi petateko zina kara. Ose kuna kupandura Karaku Marine kouhwi ou tuna gwana. Uhwi ou hawe nauretesapo marunduruko, noyitundwamo nayo nayikawapa tupu, nomutuna kugwana yiruganeso yoyiwa ngesi, yimo ana kutanta Amutenya.
Age katente asi sure ezi kwazitulirapo zivatere vanonma morwa kuna kuligwederera ,moOutjo, omu muna kara asi Outjo Primary school ntani Outjo sekondere kapi dina kuvhura hena kutambura vanona navenye, yiyo nye yaretesapo eturopo lyosure zaOutjo Project Primary School.
Sure ezi zaOtjo Project PrImary school kwapaturuka mwaNsinano mvhura zina puko, ngesi kunakara novarongwa wokusika ko 220 kutunda ntambo ndunge zokuhova dogoro zautatu.
-Nampa