Auleria Wakudumo 

Elelo lodoolopa yaNdangwa ola tokola okufutila omunafikola dingi modoolopa mekonakono loNamibia Senior Secondary Certificate Advanced Subsiduary (NSSCAS) 2025 omuhandjo wodula osho yo oshimaliwa shotakisi yokofikola. 

Jacob Ipinge, okwa li eya ponomola onhihetatu movalihongi dingi moshilongo mekonaakono lo-AS. 

Eshi oshe mu ninga yo e uye ponomola yotete ongomunafikola dingi modoolopa. 

Ipinge okwa li ha fikola koRukonga Vision oko aya ashike a ka mona ehongo ashike okwa yambuka molukanda Uupopo mOndangwa. 

Ipinge oku li te lilongele ounamiti koshiputudilo shopombada shaUnam. 

Molwomhumbwe, okwa li a fininikwa opo a kwatafane nombelelwa yamayola waNdangwa opo a pule ekwafo loshimaliwa shokufuta olukalwa laye oshoyo ekwafo lotakisi yo kuya kofikola. 

Mayola wodoolopa yaNdangwa Esther Auala okwa holola kutya ombelewa yaye oya pondola okutula kumwe oshimaliwa shi fike poN$10 000. 

“Oshimaliwa eshi osha longifwa nale okufuta omuhandjo waye oule wodula,” Mayola ta holola ngaho. 

Auala okwa holola yo kutya ookans e la aveshe mele lo lodoolopa yaNdangwa, mwa kwatelwa omukulunhuwiliki Ismael Namgongo ova ongela yo oshimaliwa shi fike N$1 770 oku mu kwafa nokufuta otakisi yokuya kofikola neemhumbwe dimwe da wedwa po. 

Mayola okwa ti ova tokola okuyandja ekwafo e li opo va twe ovahongwa vali vamwe modoolopa ovo tave li hange monghalo yafaafana naIpinge opo veli tule mo mofikola. 

Auala okwa ti onga odoolopa, ove udite etumba okukwafa omuhongwa ou shaashi okwa longa noudiinini mopilongwa yaye. 

“Ohatutuomukumoovanafikola, novanyasha aveshe opo veli honge nokukufa ko oshihopaenenwa shiwa osho sha ningwa kuIpinge,” Auala ta holola ngaho. 

Mayola okwa twa Ipinge omukumo opo a twikile okulihonga yee a dule okumana elihongo laye. 

Okwapopyamomashendjokutya eshi oshipangelo shaNdangwa tashi ka pwa okutungwa, Ipinge oye taka ninga omundokotola wotete. 

Auala okwa holola ta ti elelo lodoolopa yaNdangwa ola yandja ekwafo eli la endelela ashike natango ota va twikile okutala nghene tava dulu okumukwafa monakudiwa. 

-awakudumo@nepc.com.na