Ehangano lyokuninga omakwatathano gopawutekenika (MTC) ota li hiya aanyasha moshitopolwa sha//Kharas opo ya ninge omayindilo gokuyambidhidhwa ya tameke oongeshefa dhawo. 

Sha ikolela komushangwa gwa pitithwa Etiyali kehangano lyo-MTC, et amek i tho lyopoloyeka yo-MTC 4 Life, oshinyangadhalwa tashi lalakanene okuyambula po aagundjuka Aanamibia nuunongo wopawungomba neyambidhidho lyopangeshefa okukwathela mehwepopeko lyuuhupilo. 

MTC okwa shanga kutya otaya ka yambidhidha ashike aanyasha yomoshitopolwa sha//Kharas okuza pomimvo 18-35. 

“Aakuthimbinga otaya pewa omadhewulo gomuule gomasiku gaheyali miikondo ya yooloka, mwa kwatela okupanda , okukulula , okumbaka, okweeta po sha oku za miipa yiiyamakuti, okuhondja, nokupangela oongodhi dhopeke,” ta ti ngaaka 

Ya ti kehe oshikondo otashi kala naakuthimbinga ye vule puyatano taya dhewulilwa okukwashilipaleka oompito ndhoka. 

MTC okwa ti, aakuthi mbinga otaya ka pewa wo iilongitho yokut ameka yiikondo yehogololo lyawo, osho wo omakwatho goshimaliwa shi thike N$5 000 okuyambidhidha etameko lyoongeshefa dhawo dhopetameko. 

Omupopiliko mehangano lyo – MTC Erasmus Nekundi okwa ti oya kala nokuyambidhidha aanyasha okuza kiitopolwa ayihe 14, yamwe yomuyo okwa li ya yambidhidhwa noopoloyeka dhiikunino. 

“Otwa li twa kwathela oopoloyeka dhiikunino mbyoka kwa li tayi shongola, oku yi xwaxwameka opo yi vule okweeta po ehatwa lyiikulya osho wo iikwamboga. 

Iikunino mbyoka ya yambulwa po, oya taandeleka uunongo koshigwana okuya po niikunino nenge okweeta po iikulya osho wo iikwamboga tayi shingithwa kondando yopevi, opo kehe gumwe a vule okwiihupitha,” ta ti ngaaka. 

Oya ndhindhilike kutya ekalekepo lyiikulya olya pumbiwa lela miitopolwa oyindji moshilongo. 

Ta gwedha po kutya etopolo lyiikulya moshilongo halyo naana lya kola, onkene okweeta po iikulya okupitila momukalo gwiikunino otaku hupitha oyendji, momukalo gwiikulya osho wo oshimaliwa. 

vkaapanda@nepc.com.na