Oshikango -Ministera gonodoropa ekuliko nomukunda dopo nze, James Sankwasa kageve ntumwaraka zerondoro kuhamena unamuhoko ntani umbondo ndi asi Corruption meraka lyovakwetu, nokutanta asi natuvenye twahepa kudiva asi moNamibia kuna karamo tupu ukumwe ntani ekuliko. Apa nye kahuyungire pezuva lyokudiworoka emanguruko lyosirongo, moOshikango, moOhangwena, momapeu. 

Sankwasa katente asi emanguruko lyaNamibia kwaligwana kupitira moukumwe kapisi momalitondoworo. 

Emanguruko kapisi muhoko gumwe tupu gwaliretesapo. Eyi kwakere yokuruganena kumwe kovaNamibia navenye kwalipakerere opo nye vakondjerere emanguruko,’’ yimo ana kutanta. Age simpe kageve nye ruguuwo rwendi asi nampili ngomu tuna manguruka paupolitika, elitondoworo ponomuhoko, ntani eninkiliromo simpe kuna kuninkisa matokoro gamwe gapitire ponomuhoko, ntani vamwe kuna kugazara asi vana vasigiko komaruha gamwe. 

‘’ Eyi kuna kuyimona asi dogoro ngesi awo vamwe kuna kulimona asi kapi vamanguruka mosirongo sanyamwawo. Rutandu nelininkiliromo simpe kuna kuyiruganesa yina kuninkisa nye vantu vakare asi kuna kuvasilika nompito donzi dokulisiga siga dokuretesapo mauwa, yimo ana kutanta Sankwasa. Age kahundilire muhoko asi twahepa kunyoka yononomuko detu tukare tupu nosinka asi kuna kukeverera ukumwe wetu, nokugava marondoro asi malitondoworo kuretesapo udigu mekuliko ntani muhoko nokuza si komeho. 

Apa nye kahuyungireko youmbondo ndi asi widi, Sankwasa katente asi kuna kuretesapo utjirwe asi ngapi naturetesapo yirugana ndi mauwa kovantu ntani ekonomi ngapi naliza komeho. 

‘’ Naene asi umbondo tautwikire ngorooro ngesi, ngapi nye sirongo saNamibia omu nasiza komeho. 

Owo nye vana kara asi kuna kulihamesera moumbondo vahepa kuvatura poruzera ntani nokuvatengeka, yimo ana kutanta. 

Age kahundilire vaNamibia vakeverere mukaro gomuwa omu navarugana ntani vahepa kuruganena kumwe nosirongo nye esi ngasi kakara mewogo. 

-taimihaihambo2000@gmail.com