Abraham Mwanyekange 

Hanongo Kleopas omukalimo womOmungwelume okwa indila kewiliko lotonamendi yaKatunanghee opo li tote po ospana yovakokele yokatanga kokeemhadi. 

Kleopas, omudani mukulu wospana yEeshoke Chula Chula okwa lombwela Kundana ta ti osha fimana unene opo ovakokele va kale tava ulikile ovanyasha nghee okatanga haka fangwa. 

“Ounona ova tala kufye, onghee odoolopa Omungwelume oya kula, ovakokele djei mo meekamba ileni tu daneni okatanga opo tu ulikile ounona kutya okatanga ohaka fangwa ngahelipi,” ta ti. 

Okwa wedako tati moshikandjohoololo Ongenga omu na ashike ospana imwe yovakokele ndele oi hadi ovadani. 

“KoEleven Champion oku na okapundi nayi, ito mono omh ito yokudana molwaashi ovadani otuvahapu twakoya po-30 nokuli,” ta ti. 

Omunashipundi waKatunanghee Ndatipo Shomongula okwa ti okuudite ekemo lomhumbwe yospana yovakokele. “Ovakokele Amushe ileni tu kaleni omutumba fye tu yeni komesho,” ta i fana. 

Shomongula okwa ti ngee ospana oya totwa otai kala mouwa wOvamungwelume aveshe notai kala nokukufa ombinga momaudano aeshe hae linyenge konooli yoshilongo. 

-abbenghilai@gmail.com