Ou a li nale ngoloneya woshitukulwa shOtjozondjupa noku li a li oshilyo shomutumba wopashiwana James Unomasa Uerikua pamwe nomonamati Venturo Uerikua otava fudikwa Osoondaxa komukunda Otjiserandu moshitukulwa tuu omo.

Uriekua okwa xulifuila moshiponga shotuwa mexuliloshivike lopaasa pokati kondjila Okakarara nOtjiwarongo pefimbo kwa li tava i konaviheke pamwe nounona osho yo omukulukadi waye.

Omonamati woshiveli weedula 14 naye okwa xulifa tuu efiku konima ashike a ninga okafimbo kashona meshipangelo shaTjiwarongo.

Okwa teelika oshiwana, ovapambele, ookaume osho yo oilyo yomutumba wopashiwana i kale ya holoka momwaalu muhapu Etitano okukafindikila omulumenhu ou omunandjukungu.

Uriekua okwa kala nokuningilwa omaxupulifo a yooloka ngaashi kOtjiwarongo, Gobias osho yo koWindhoek peumbo lavo.

Onghela okwa li kuna oshivilo xupulifo sha ningwa moWindhoek koshikunino sheumbo lomutumba wopashiwana omo ovaleli veengududu dopapolitika va yooloka osho yo oilyo yomutumba wopashiwana nOmupresidente Netumbo Nandi-Ndaitwah.

Ova popi va yooloka ova hokolola tava ti Uerikua okwa li omulumenhu omunyasha e na ombili nelandulafno.

Onghela Omupresidente Netumbo Nandi-Ndaitwah okwa ti efyo laUerikua ola kuma Ovaamibia aveshe shaashi okwa li omuleli muwa ta wilike oshiwana.

Okwa ti Uerikua okwa li a ulike oshihopaenewa shiwa alushe ngeenge e li keumbo lomutumba wopashiwana.

“Otwa kanifa omunandjungu, omulumenhu kwa li ta longo nondjungu okuyakula nawa oshiwana. Omulumenhu okwa fiya po oshihopaenewa shiwa tashi dulu okulandulwa kovanyahsha vakwao,” ta ti.

Okwa Uerikua okwa li oshilyo shongudu yoSwapo omo kala ta xwaxwameke onyavasha va kale vena oukumwe mongudu.

Pefimbo lexupulifo, kaume kaye kopofingo Marius Sheya okwa li a nyika oluhodi ta hokolola ta ti okwa kanifa kaume kaye ko shili.

“Fyee naJames otwa dja ondjilaile. Otwa kala tuna oukume uwa. James okwa li afa omukul wange shaashi okwa a penge omayele,” ta ti.

Okwa ti okwa dengwa pomutima kefyo lakaume kaye shaashi ova kala vena ekwatafano liwa.

“Tulumukwa nombili kaume kange ovo u teelele ongula yependuko,” ta ti.

Ovaleli veengudu domhilameno da yooloka onghela ova tanga Uerikua tava ti okwa li omulumenhu ta lalakanene okukondjela onghalo nawa shomunamibia keshe.

Ova popya yava ti Uerikua okwa wa nifa po oshilonnga shaye shaashi okwa li ta ya kula nawa oshiwana unene tuu pefimbo a li ngoloneya.

Ovahongifikola osho yo ovanafikola koWindhoek High School ova ti Venturo okwa li omunafikola e na omikalo nokuhole okulihonga netulemo.

fhamalwa@necp.con.na