OKONGO – Koshivilo shomaulikilo oipindi sha shivika nawa Omaludi neudo otaku kala omakondjifafano okakadona dingi, onghee oukakadona ova pulwa opo va ninge omaindilo.

Eefooloma domaindilo otadi hangika keembelewa delelo lodoolopa yaKongo.

Efiku laxuuninwa lokuninga omaindilo omafiku 22 omwedi ou.

Omukwatelikomesho noku li ta unganeka omakondjifafano okakadona dingi Letu Ndatewapo okwa ti ei oyo omhito iwa koukadona va ninge omaindilo okukufa ombinga.

Okwa ti elalakano lomakondjifafano okakadona dingi okuyandja omhito koukadona va longife ounongo wavo.

Oukadona tava ka kufa ombinga nava kale ve na eedula okutameka po-13 fiyo 25.

Okwa teelika ashike oukadona hava di moshitukulwa shaHangwena ovo va kufe ombinga.

Omaludi otaa tameke omafiku 25-30 Mei 2026. Omaludi oshivilo shomaulikilo oipindi ounamapya omo ovanafaalama hava eta eengobe davo di ka ludikwe.

Eengobe ohadi tulwa mondabo okuninga omafiyafano okutala kutya ilipipo ya ondoka ya lya nawa. Ovanahambo ohava kala tava tange eengobe ve udite ombili eshi va lifa nawa oipuka yavo tai vema moshili.

Ovanafaalama natango ohava kala ve na omhito yokulandifa oikunomwa yavo osho yo oimuna komaludi.

Neudo omaludi otaa danwa koshi yoshipalanyole “ounamapya nomapashiono otaa kale ke po exumokomesho leliko loshilongo”. Omupresidente Netumbo Nandi-Ndaitwah oye e li kahewa komaludi aa. Oukadona tava ka findana otava ka pewa omaano a yooloka.

Okakadonadingi taka ka findana ekondjifafano eli otaka ka pewa ekopi noshimaliwa keemuma shi fike N$3 000.

Okakadona take ya ponomola yotete otaka ka pewa oshimaliwa shi fike N$2 500, omanga okakadona okativali otaka ka pewa N$2 000.

Okakadona dingi mokufanekwa nawa otaka ka pewa oshimaliwa N$1 500.

Omanga okakadona dingi mokudjala nawa otaka ka pewa oshimaliwa N$1 000.

Ofooloma yomalishangifo oi na N$120.

-fhamalwa@nepc.com.na