Sîsenao-i xa xoahe hâ
OLs, Ai!â Olthaver & List ti ǀgui ge ǂansa is, Namibiab !nâs ge ǁîsa ǀgaisase mâ ǂharugun ti ǀguis ase ai!gûgarus, ge ǀasa ǂanǂuihes ǀgauba ge ana hîa hoan xa mâǂoa hâ ǀkharaǀkharasende nē ǂharugub di 100 xa a !nāsa kurigu di !nae!khaide !khōǂgā hâsa.
ǁÎs hîa nē ǀkharaǀkharas !nâ ǁaegub mâs ge, ǀGui Olsa mâba. ǀGurimâ, !hû-ǁaresa ǂharugub, ǀgui !hao!nāsi ǁnaetib ai ǀgui ǂharugub ase ra mâǂoaba.
Nē ǀasa ǀons ge ǀgui!nâxa ǂharuguba mûmûsase nau ǂharuguga xu ra mâǂoa kai.
!Nae!khaixa!nâ ǂanǂansab ge ǂhaitsise gere ǂoaxa-ū soab aib ge Sven Thiemi, Dana Sîsenǂuira Aiǂnû-aob OLs diba ge mî “Kurina da !oaxa-ū ǀons nēsa dawas ge kurigu ra īse da gere ǁgâu!nāpe ǂgâxa-ū ǀkharaǀkharasin, dana ǁgūbadi sida ǀguida xa ra !hoadi, ǂgaiǀons ai ǂHunuma, Khoexa!nâsib tsî ǀGuixasib ǁîdi aib nē ǂharuguba mâ ǁnâuǂharugun, ūhe ra mîǁgui-i hoa-i tsî ǂans-tsî-hō!âdi hîa mâ ǀguiǀguibe khoe-i, ǁama-aon tsî ǀhûhâsigu !aroma ra kuruhena.
Sida ge ǂgaeǂguis âda ǀgaiǀgai, sida ǁnaetisa sîsenǀgauga ǀkhamaǀkhama tsî sida !kharaga ǂnûiǂgādi nē ǀgui ǀons !naka a sîsenxade ǂgaoǀkhāsa !harib !hūbaisise nî ǀnûgu ǁkhās !oagu ra aiǂhomi.”
ǁNaetisa sîsenǀgaugu tsî ǂâiǀgaugu ǀkha nî hâhâse is ge ǁkhōǁkhōsasiba ǂharugub !aroma ai!â ga ūhâ i, !kharaga ǂharugun nē ǀgaugu ǀkha ra ǂherexa-ū, tsîs ǀasa ǂâiǀgaun di !ēsa ra ǀkhai amaga.
“Sida ge ǀkhara daoba ge ǁhûi. !Kharu ge kurigu !nâ da ge nēpa tsî naupa dītsâ, ǀkharaǀkharade ǂkhâxa-ū tsî ǁkhawa ǀasa ǂâiǀgauga tsoatsoa-ū.
O da ge nētsē !auga da gere dīna, ǂganagab din ǀkha ra ǀgoeǀhao”.
Nē ǂhaitsi ǂanǂans ge ǀasa !gûdaob OLs diba Mûǂuib 2029 !oa ra unu, ǁnāpas N$2.5 biljunsa EBITs ai tsî OL Personas ai 85%gu mûǂuiba ūhâse.
ǁKhātis ge OLs !nansa ǁnāti ī ǁkhoreba ūhâ, !Hūbaib !nâ di ǁîde hoan xa a ǂoaǂamsa 10 Kai ǂNûiǂgādi, ǁîdets a sîsenba ǁkhāti di ǀguis ase ǂan!gâhesa.
1919ǁî Kurib !nâ ge ǂnuwihe OLs ge ǁîs Namibiab !nâ a kai aitsama a ǀhonkhoe-aihe ǂhurugugu di ǀguisa, ǂan!gâsas ǁîs di ǂharugub tsoatsoa-aogu, Herman Ohlthaveri, Carl Listi tsî Werner List hâga ra māse.