Opolifi mexulilo shivike oya lopotelwa oibofa yayooloka ngaashi omafyo, omateyo omaumbo osho yo omakwatonghonga.
Omafyo
Opolifi oya lopotelwa nokupatulula oibofa yomafyo yafika pu iheyali. Moshininganimwa shotete omwa lopotwa okaana keedula o 10, ka fya omeva konima eshi vali tava yoo mondama yomeva nava kwao vavali. Nakufya eshi awila momeva vakwao ovatandoka vaka lombwele ovakulunhu veuye vemuxupife oshike ova hanga nale axulifa.
Moshiningwanima shayooloka omukwaita woko Namibia Defence Force okwa lopotwa eli tuwa pombete yaye eliyashela mokamba yovakwaita mOtjiwarongo. Omukwaita okwa lopotwa kutya oye Jonas Shoongeleni Ndeimama, omunamido 27 no ina fiyapo onhumwafo inasha nelikufomwenyo laye.
Omulumenhu weedula ina ditumbulwa naye okwa lopotwa konima eshi axulifila molwoodi loshiponhokela ndele ta tuwa nombele mombadja. Opolifi oya ti eshi atuwa nombele mombadja okweya ashike teli denge pobootolo apa vali tava nwine ndele taxulifa.
Opolifi natango oya tula omulumenhu weedula 33 moipandeko, oo ta feekelelwa edipayo lakahewa kaye kopaihole oo vati eli tuwa kolukanda laMukwanangobe moWindhoek eli mekungu lohonde ehena omwenyo, konima eshi atuwa neembele. Omufeekelwa natango ota feekelwa yoo omahepeko oomeme nokaana.
Olutu lomukulupe omulumenhu weedula 66, nalo ola lopotwa lelituwa moKarasberg. Nakufya vati okwa li ta ende oye aeke nomondjla yaye vati okwe li denga ombuda mondjila yeshina lokolutenda, ndele taxulifile poshiningwanima.
Oulunga nomateyo omaumbo
Moshiningwanima shayooloka opolifi oya lopotolewa oibofa yomateyo omaumbo oyo ya holoka mexulilo shivike. Moshiningwanima shotete omulumenu wedula 23 okwa tulwa moipandeko ko Swakomund, konima eshi a hangika teli teyele monhele yomalandifilo ko Auto perfect, opolifi oya yelifa kutya okwa hangika akufamo oikwatelwa yomeni leumbo oshoyo omashina nee kombiyuta. Oinima aishe oya monika. Omulumenhu umwe natango weedula ina ditumbulwa naye oku li konima yekumba, konima eshi ali eli teyala meumbo lovanhu ndele takufamo oikutu oshoyo oikulya.
Ovafeekelwa vatano natango ova lopotwa veli teyela meumbo laa umwe moWindhoek, ndele tava tete eengodi dolusheno noku li teyala meumbo olo lapotwa kutya olovakulupe. Ovafeekelwa eshi vaponhokela meumbo ovafitikinina ovakulupe koshikololo, tave vamange neemwiya deenghaku, ndele tava kufamo oimaliwa, oilwifo neengodi ashike kapena nande oumwe a kwatwapo.
Omufeekelwa umwe natango okwa lopotwa eli vakela mofikola yedina Yuru primary Rundu, ndele takufamo oimailwa eihangamo okeshe, okakefa oko natango haka kala kaholokewa oimaliwa nai kwao yedwapo. Natango ko Rundu, molukanda laTutungeni omwalopotwa omulumenhu eliteyela meumbo ta kufamo oikwamalusheno yamwene meumbo oshoyo oinima yaye yopaumwene.
Omwakwatonghonga
Opolifi yalopotelwa oibofa ivali yomakwatonghonga. Shotete okanona keedula o 13 oke li tuwa taka kwena molukanda lo Wambo location moWindhoek, nau ekamona eshi eka pula kutya otaka kwena shike oka hokolola kutya oka kwatwa keenghono komulumenhu weedula 26, naye hadi molukanda omo. Omufeekelwa oku tulwa moipandeko nomakoonakono opolifi ota a twikile.
Natango ovalumenhu vavali ovakalimo vaAngola veli pokati keedula 17 no 25, ova tulwa moipandeko konima eshi vakwata konona keedula omuwoi keenghono oikando yayooloka.
taimihaihambo2000@gmail.com