WINDHOEK Omuyalu ogundji gwaanona oothigwa moshilongo, unene moshi-topolwahogololo Sibbinda moCaprivi ihaya mono oshi-maliwa shoothigwa shokom-wedhi N$200 dhEpangelo, oshoka kaye na oonzapo dhomavalo oshowo omikanda dhilwe dhopashigwana. Oshi-kandjohogololo shoka otaku tiwa omu na omuyalu omunene gwaakwashigwana mboka ya pumbwa omakwatho, oshoka otamu adhika wo oshigwana shAakwankala poBitto no-Nampengu. Onkalo ndjika oya etitha Kansela goSwapo moshi-kandjohogololo shaSibbinda, Felix Mukupi a tseyithile Uuministeli wIinima yOme-gumbo nEkondololo lyokoon-gamba, meme Rosalia Nghi-dinwa kombinga yonkalo yoo-thigwa dha pumbwa ekwatho moshikandjohogololo she. Omuyalu goothigwa dhoka hadhi mono oshimaliwa kEpangelo odhi li 1385 oman-ga yamwe haya mono oma-yakulo gwontumba koosikema dhilwe ngaashi ndjoka tayi wilikwa koCatholi AIDS Action, Ehangano lyOmushi-gakano Omutiligane, Africare oshowo galwe. Aanamagumbo mboka taya tekula othigwa yimwe ohaya mono N$200 komwedhi, omanga mboka ye na oothigwa mbali haya kwata N$300, aantu mboka taya tekula oothigwa ndatu ohaya mono N$400. Nonando okapandi koomiliyuna 34 (N$34 million) odha pumbwa komvula oku-gandja omakwatho koothigwa 14 150 dhoka dha nyolithwa, omuyalu gwoyene ngoka gwa pumbiwa okutsakanitha po oompumbwe dhesiku dhoo-thigwa moNamibia ogo oomi-liyuna 340 (N$340 million). Nando Uuministeli wUuthi-kepamwe nOnkalonawa yAanona owu na ontengene-kwathaneko yoshimaliwa shoomiliyuna dhi nasha noothigwa, yamwe yomaanona mbaka ihaya vulu okumona omauwanawa ngaka oshoka kaye na oonzapo dhomavalo, uumutse oshowo oonzapo dhomaso gaavali. Pamuthigululwakalo, iigwana yimwe moCaprivi, oye hole okufumbika aasi yawo pamwe nomaliko gawo, ngaa-shi iikutu, omakumbatha, oom-biga dhokuteleka, iiyuma niik-watelwa oshowo omikanda dhopashigwana ngaashi oonzapo dhomavalo, uumutse oshowo nokuli oonzapo dho-maso. Omwedhi Desemba omvula ya zi ko, Uuministeli wUuthi-kepamwe nOnkalonawa yAa-nona oya kutile miilonga omuntu gumwe pankondalaka a nyole oothigwa adhihe moSibbinda opo ya vule oku-mona omakwatho goshima-liwa shika. Ihe oproholama ndjika otayi yiwa moshipala kompumbwe yuumutse noonzapo dhoma-valo, shoka sha etitha aanona oyendji ya kale inaya nyolwa ya vule okumona ekwatho ndi-ka lyopainiwe. Mukupi ota ti:”ompumbwe yoonzapo dhomavalo” oya etithwa kutya uuna aantu yam-we ya hulitha, ohaya fumbikwa momikunda dhawo nomaso gawo ihaga lopotwa koombele-wa nomalelo. Nonando Ominista yUu-thikepamwe nOnkalonawa yAanona, oku li natango mefudho, omunangeshefa ngu-ka Mukupi, ngoka wo e li omu-napolotika ota longitha oonzo dhe dhopaumwene okunyo-litha oothigwa dhika, ota indile enyolitho lyoothigwa li lelepekwe. “Tse otatu indile omasiku ogendji oshowo omandiki go-kunyolitha noshikandjo-hogololo shika oshinene noon-kondo,” Mukupi ta ti, nokug-wedha po kutya oshigwana moshikandjohogololo she oshe mu pula ku gwedhwe omasiku komainyolitho. Momumvo 2001, opwa li awike oothigwa 156 dhi li kohi yoomvula 18 moNamibia; mo-mumvo 2004 iititatu iyali yoot-higwa adhihe oye li oothigwa dhaavali ya za koHIV/AIDS. Oothigwa odhindji moNa-mibia odhi li mongundu yaana-magumbo mboka kaye na iipumbiwanima ya gwana ngaashi iikulya, esiloshishoi li ihwapo oshowo elongo.