I Kuvee Kangueehi EPAKO Umwe wo vaka ndjira ovazoozu motjitamba tjo ngorongova no muungure wotjiwana omutjiukwa, Adam Ngunovandu McLeod, wa suvisirwe Orovyungura ndazuko po kahi ke pendje na Pako. Ovana ruhoze omasere vari po mbakero ya McLeod muwo mu mwari o Ministera Ondenga ondenga ya Namibia, Hage Geingob, okanepo kOndjuwo yozo Veta ko DTA,McHenry Venaani no Presidenta yo Nudo yOkehi, Tumbee Tjombe nawina ovanane vombazu peke peke no vo vihako vyo kombanda mohoronde. Tja yandjere ondjozikiro ye komuyaruke, Geingob watjere wa kara no hambwarakana kotjirwa tjongutukiro. Wa vatera otjiuru o Namibia ekutuke kura zikamena, Sam Nujoma, Geingoba na varwe okuhena mehi oku kahita mo Tjauana. Geingoba watjere McLeod aa tjiwa oruveze ovandu paa vehenene nawa ne ve raere kutja ngave yende pi nu nga vetjite vi. Watjere omuyaruke we vetuara metemba re ee vekutjire no vi kumbiasa oku vehoroka ne ke veherura po Kanaindo. Po Kanaindo we ve raera kutja ngavetupuke nga nduu tji vavaza ohambo yOvaherero mo Tjauana no kuhina okusuva poo oku ningira omeva kurive. McLeod wa ka kwaterwa ko Tjauana tji yari 12 ku Katjose mo 1919 ovanene ve tji va taura o Tjitiro Otjindjandja tjOvaherero tjo 1904-7. Ovanene ve tjivatokota ko Namibia tjandje eye okanatje. Ovo vakatura mo Maruru kuva ziriire. Eye wa uta omahongero ye poskole yovahonge nahongwa nganda arire omitiri. Ongetjefa ye ondenga we yiutira mEzoroue ma ungura otjo mutoroke mo tjombanguriro tjorukondua. Kombunda watjindira kOtjomuise nongwari omuzoozu omutenga okukara nombesi. Kombunda wa paturura ozongetjefa mOmongua nu mo makarero we mOmongua a tungire Ombara Katjikururume Hosea Kutako ondjuwo yo zo hima tjatja kapena ombara ndji kara mo ndjuwo yo u tase. Wina kombunda wa tunga ombongo mEpako Oritjaine ndazuko mu mwari ondjozikiro ye oseinina. Eye wa sekero oserekaze ye novanatje o 23 ovakazona o 13 mu muna Ongooneya ya Maheke, Laura McLeod, no vazandu o 13. Ovanatje vane ve mu tengerapo vata rukuru.