MoVenduka-nayinye kuna yigava yikare momawoko gokomitiye zontjima-ntjima zoSWAPO ezi zina kuyihingira neina moSitata saNamibia. Epongo eli kuna kulindindira kukalizegurura presidente goSWAPOkamarada Sam Nujoma. Alyo kuna kulindindira lika ture moyirugana magano gomanzi aga vaturapo wokomiitye zoPolitbiro mepongo lyawo eli lyakereko lyokuhulilira. Awo kwaturapo asi ezuva lyokongres zoSWAPO lyahepa kukara momazuva 28 gaMangundu 2007,-1Sindimba. Oso yiso simwe vana kundindira mepongo eli lyaneina kuna kulindindira vakatare mazuva aga. Epongo eli simpe kuns kulindindira likature moyirugana etumburo lyakamarada Hage Geingob naDoreen Sioka asi vakakare yilyo yopolitbiro. mpili ngomu asi navenye kuna kundindira epongo eli vakaturepo elikwamo lyokongres, kapi pana kara mpito asi vantu vakavatumbure aso sigongi kuna kutwima.Kuna kumoneka asi epongo lyokuhulilira lyokomitiye zontjima-ntjima kuvhura kukakarako mwaSikukutu komeho vakaze mepongo lyenene. Nomukunda ngwendi Karas,Oshana,Ohangwena,Omusati, Kavango naOshikoto nare damana mapongo gado mokuliwapayikira kongres. Nomukunda nadinye kuna kudindindira dikamane mapongo gado sinkwa ntani tupu.Mukunda ogu guna kara simpe moudigu kuna kara Omaheke morwa vantu vamo kuna kulitutura ngwendi nongombe. Udigu waOtjombinde simpe kuna kutwima ou una kureta vantu vapire kuponga ntani kuna kurangapeka epongo lyopamukunda vature marongikido.Mutayi govagolikadi woSWAPO velike vamana epongo lyawo ndi asi kongres. Ano mutayi ndi asi evava lyovadinkantu kuna kulipyakidira kukakara nepongo eli mwaSIWOGEDI 17,kosure ezi vana kutumbura asi Windhoek Technical High School ano epongo lyovakurupe wombunga ezi kuna kuligazarera kukakarako mwaSitarara.