OSHAKATI- Omulumenhu weedula 25 ota holoka nena momhangu yamengestalata waShakati eshi vati a dipaa mushinda shaye nodopi. 

Oshiningwanima osha ningwa oshivike sha dja ko molukanda Omahenene mOshakati efimbo loufiku. 

Nakufya okwa tongolwa oye Iyambo Leonard Nangolo weedula 59.

Omukulunhu koshikondo shokukonakona oimbuluma wopolifi moshitukulwa shaShana omupedu komufala Fredrick Ndjadila okwa koleka oshiningwanima eshi. 

Opolifi oya hokolo tai ti nakuninga oshihakanwa okwa dengwa oshivike dja dja ko momafiku 6 pefimbo kwa li tava tanguna nomufekelwa. 

Omufekelwa vati okwa kufa odopi ndele ta denge Nangolo momutwe. 

Nangolo okwa twalwa koshipangelo shaShakati opo a ka mone epango lopaunamiti molwashi okwa li a mona oshiponga komutwe. 

Opolifi oya hokolola tai ti Nangolo okwa li a tambulilwa kosaala yoICU, oko ha kukala ovanaudu ve li monghalo idjuu. 

Nangolo okwa xulifa mexuliloshivike efimbo lokomatango. 

Okwa dile komukunda Iihanguti, novakwapata vaye ova shivifilwa kombinga yefyo laye. 

Omufekelwa ota pangulilwa oshibofa shefyo nomakonakono opolifi otaa twikile. 

Opolifi oya kumaida oshiwana opo shi xulife po okutanguna ngeenge shi li peendingosho molwashi osha nyika oshiponga. 

fhamalwa@nepc.com.na 

efano: Heather Erdmann