Omukainhu weedula 33 vati okwa vaka oshimaliwa sheeN$300 000 ndele ta topolele ovalumenhu vaye vavali.

Omupopiliko wopolifi moshitukulwa shaHangwena Warrant Andreas Nghiyolwa okwa hokolola ta ti omukainhu ou okwa vaka mofitola omo a li ta longele yoRani Mini Market kOmungwelum. Omufekelwa okwa kwatwa po, novalumenhu vaye vavali navo ova kwatwa po.

Otava holoka momhangu yaShakati nena.

Opolifi oya hokolola tai ti oshimaliwa sheeN$64 000 osha pewa omulumenhu waye umwepo omanga omulumenhu umwe okwa pewa N$10 000.

Otaku hokololwa kutya omukainhu ou okwa ningilwa omapulapulo nokonima okwa yandja ouyelele kutya oshimaliwa shimwe okwe shi topolela eehonda daye.

Opolifi oya hokolola tai ti omulumenhu umwe okwa hangika a holeka oshimaliwa mongalashe yaye yokupangela eetuwa i li mOngwediva, shimwe osha hangika komavalulilo ombaanga yaye.

Omulumenhu ou oshimaliwa ina hangika oshimaliwa e shi longife po molwaashi vati okwa li a kwatwa koumbada.

Opolifi oya hokolola tai ti omulumenhu mukwao ou a pewa N$10 000 okwa hangika a landa oipeleki neesamende daye.

Konima yoivike ivali, opolifi moshitukulwa shaShikoto okwa lopotwa omukainhu umwe a vaka oshimaliwa monduda yomuhona waye.

Oshiwana otashi kumaida opo shi kale sha kotoka ngeenge tashi yandje oilonga.