Lahja Nashuuta 

Aakwashigwana yena uulema oya pula epangelo no showo oongundu dho politika opo ya pewe oshipundi melelo lyoondolopa. 

Juliane Samuel ngono e li onga omunashipundi mehangano lyaanuulema mo Namibia noshowo omu kwatelikomeho mewiliko lyaanuulema monooli, okwali a pula noku indila opo oongundu dhopolitika opo dhi pitike iilyo yina uulema a ndola yika kalele po omahogololo giikandjohogololo noondoolopa. 

Samuel dhika okwe ndhi popi omanga kwali ta gandja omanyenyeto nomaupyakadhi ngoka ga taalela aantu yena uulema moshilongo koshigongi shono shali pokati komupelesitende naagundjuka yomoshitopolwa shOshana oshiwike sha zi ko. 

“Nonando eepangelo tali longo nuudhinginini opo pwaa kale gumwe a patelwa pondje, aaNamibia ta ya lumbu nuulema onkene ngaa natango ya patelwa pondje nge tashiya pomauwanawa gamwe go shilongo” Samuel ta ti ngaka. 

Samuel ta tumbula wo kutya nonando omwaalu ogundji gwaantu yena uulema ohagu kutha ombinga momahogololo, oopeselenda owala oshona hadhi pewa ompito oku kalela po oongundu dhawo onga ookamusela. 

Ta kumagidha kutya aanulema inaya kala owala aahogololi, ihe naya ningwe wo aahogololwa. 

Samuel ta ti, nonando kwali a gandja olupandu kepangelo moku eta po omulandu omupe goku ungaunga naanuulema, noshowo okugandja omakwatho okwa tumbula wo kutya aanulema oyendji onge nga natango ya talele omashongo. 

Ta fulula wo kutya aanona oyendji yena uulema shinene momikunda nokuushayi kayeli moosikola. 

“Otandi indile epangelo opo li ete po oosikola ndhono dhina omihandjo miitopolwa ayihe moshilongo,”ta indila ngaaka. 

Ta popi wo kutya aalongwa yamwe otaya longo nuudhigu poosikola omolwa shono aalongi oyendji ka yena otsewo yokusila oshimpwiyu aanulema. 

lnashuuta@nepc.com.na