ONGWEDIVA – Baima bataselizwe kisilami kwasipatela sa mubuso sa Onandjokwe, mi babañwi bakulile malaria ni limbelenge. Baima bababato likana bamashumi amabeli balobala fabulilo balibelezi kupuluha. Basupali babañwi ba 22 nibona balobala fafasi. Basupali bao basweli kuyo lobalale bakuli babona kwasipatela. Muyaho wamatibelelo una ni basali bamashumi asupile kababalalu babalibelezi kupuluha, ni bamashumi amabeli babalobala fafasi. Ili kutisa nombolo kaufela fa 93 yabasali babaitwezi.
New Era hane ilo potela sibaka sa tibelelo yabaima viki yefelile, nekatani ni Hileni Nehale walilimo ze 66. Ili yana kandekile manyando akulobala fabulilo likweli zepeli zefelile, kuto babalela mwanahae wamushima yalobalizwe. “Neni lobala fande mwatasa kota mwakweli yapili, maliha hataha seni kena mwahali nikukala kuto lobala fabulilo,” nabulezi. Kacwalo ukula silami mi una ni litombo zakulumiwa kiminañi.
Selma Andreas walilimo zemashumi asupile kasilisiñwi naize salobezi fabulililo likweli zetalu zefelile. Natile kwasipatela kuto babalela muzwale wahae, kono silami sitilo cinca bupilo bwahae. “Lulobala fafasi kakuli mimbeta itezi mi hailukwani,” nabulezi, mi naekelize kuli kutata kulobala fabulilo nako yamaliha. Zeo halili cwalo musali yaitwezi wamulwalo walikweli zelobañwi Elizabeth Saulu naize salobezi fabulilo liviki zetalu zefelile.”Mutokomele kuli musali wamulwalo walikweli zelobañwi kulobala fabulilo, kutata, lwanyanda kwanu,” nabulezi.
Hane akupilwe kubulela sesiñwi, muzamaisi wamutayi wamakete mwasikiliti sa Oshikoto Josua Nghipangelwa, nanitifalize kuli basali babaitwezi bakatazwa kisilami sihulu babalobala fabulilo. Nahatelezi kuli muyaho wamatibelelo kiomunyinyani mi mimbeta niyona hakiyemiñata. Naize kutokwa masheleñi kona sisitataliso sesituna, kuli muyaho ukone kuyandululwa.