KATIMA MULILO – Bayahi ba Katima Mulilo ba yemelezi mwa halimu kuamana ni katengo katolopo ka misezi ye busula kamo ba zamaiseza lisebelezo za mulilo wa putako, seo bangile kuba misebelezo maswe ya batimisi ba mulilo.
Zeo litile ka samulaho ndu ya Clement Puteho, muyahi wa komponi ya Soweto ha iswalela mulilo ni kunga muzuzu inze i yonga kusina mihato yeswanela ya kukona ku timisa lyangalilo leo. Kuzwa nako yefita motikala ya putako yebona za kutimisa mulilo kwa kezahalo yeo, kwa lemuhiwa kuli motikata ki yenelenga ni mezi, ki seo sitisize muňoli yo muhulu wa tolopo kubiza motikala yemwi, yeo ne ibihilwe kuli ni yona nena ni butata bwa lisipi, kacwalo netilo fita ka kuliyeha. Nyangela nenze i kubukani mi batu ba mulimu babamwi neba bonahezi kutusa ka kulika ku yundisa mulilo kamo inze ba litezi lilwaniso za mulilo, “Ndu i tatekile ku ca kwa ma 08h00 kakusasa mi motikala i tilofita kwa ma 09h00. Nako yefita, ki yona nako ye ba limbulula kuli ki ye nelenga ni mezi, ka nako ye swana yemwi kwa limotikala ne palelwa ku zuha. Ye ki misebelezo ye fosahezi,” ao ki manzwi ana liloka yomumwi kwa batalimeli ni kuli ki taba ye ne sa utwahali. Nako yeo mulilo u timiswa, ndu ne se i yongile lote mwa hali mi ne kusika utwahala hande seo sitisize mulilo..
Ku tokwa libaka za swanelo za mezi a mulilo kungelela cwalo ni mwa komponi ya Soweto kasibili ki taba yetisize tyanganiso ye tuna bakeňi sakuli motikala ya mulilo a ne felelwa ki mezi, ne fulalela kezo yeo kuliba kwa kuyoulunguta mezi. Tutu yemwi ya muňa ndu nekonile kuyakwelwa mi muňa ndu yena nanza mbwetukile feela kuli nasakonahali ku buziwa puzo ni yekana. Ne ku sika keniswa kale hande kuli ki likamani zemwi ze ne yongile mwa ndu mi ba New Era a basika nyakisisa palo kapa teko ya zona. Litiko kaufela za kubata kuikambota ni mňoli yo muhulu wa tolopo ya Katima Mulilo Charles Nawa lipalezwi kupetahala bakeňi sakuli muhala wa hae ne u sika alabiwa haňaňata.