ǀGam danan ase !ereamxasiga !Gomenǁgams !ā!khōmais !nâ tani hân ge ai!â gere ǂoa wekheb ai ǂgaoǀkhāsa !harib ai hâ sîsenna dī tama is tsî sîsenni !oagu hâ ǂgaoǀkhāde !ûǂams ai ǀhapixase ge hōhe.
Khoekhoegowab
Post
Tentdi !nâ ra hâ ǁgau!nâ-aon ge omūhâsa ra ǁkhore
ǁGûn hîa skolǂgâ ra ǀgôana Tsumkwes ǁhûi!nâǂharis !garo!ā skolgu !nâ ūhân ge ra ǂâiǂhansen, ǁgau!nâ-aon hîa !amku hâ!khaina ūhâ tama i tsî tentdi !nâ ra ǁomn nî ǀkhara skoln ǁga doe hîan hâ!khaina a hō ǁkhāna tsîn ôasana ǁgau!nâ-aoo!nâse nî hâsa.
Post
Samuehli ge ǂkhamkhoesiba konferensis tawa goro ǂgaoǂgao!nâ
!Namiǂnûs Huri-ammi Omkhâisens ǂharugub (LWDC) di sîsenǂuira danab, Fluksman Samuehli ge ge mî, ǂans ǀkha ǁāǁāsa tsî ǀgaisa turaba ūhâse aitsama ǂharuguba ra tsoatsoa ǂgao ǂkhamkhoen kaise a ǂhâbasa !khaisa hoa !hūbaisi sâuǁkhāsiba omkhâis !nâ.
Post
ACCs ge ǀasa dīǀgauga ǀhôakao !nariba !kham!oas ase go !amǂgā
ǀAma!khunis ǀkha hâ ǀHôakao!narib Ôa!nâ!nans (ACC) ge ǀasa dīǀgauga go ǂgâxa-ū, ǁnā sistems sîsenǀgaugu !nâ hâ !nubusina ǀariǂui tsî ǂâuǀoasase, ǁama!khunis ǀkha hâ ǀhôakao!nariba ǂhanub sîsen!khain tsî aitsama mâbasen ǂnûiǂgādi !nâ sîsenǂams !aroma.
Post
Bidenni ge ǀasa !hūǂnûǁkhaeba-aoba Namibiab !aroma go ǁgaumâi
United States !hūb ǁûb Joe Bidenni, ge ǁîb !hūb di Departements hîa LGBTI khoen di khoesi aiǂhanugu !ereamxasiga tani hâs di mâisab, Randy Berryba Namibiab ǁga US di !hūǂnûǁkhaeba-aose nî īse go ǁgaumâi.
Post
Geingob ge ǀKhomanin di !hū-osis xa ge tsâǀkhāhe
!Hūb di ǁûb, Hage Geingob ge ǁîb a tsâǀkhāsa ai!gû ra !hū-osis ǀKhomani ǁaes khoen hîa a Damara ǂNūkhoen dis, ǁîn ǁanǂgāsabese ǁaegub !âb nēb !nâ 1930 kuriba xu ǁan hân dis xa ti gere ǁgâiǂuisen.
Post
Dana!ās tsî kai!ādi tsîn ge ǁnâuguxoaǁguiba go ǀasaǀasa
ǀAeǁgams, Oshakatis, Ongwedivas tsî Ondangwas hâdi di !ā!khōmaidi ge go mîǁgui ǀhûarebese ai!gûsa, ǀgaisa ǁgâiba ra mā ǁgoaǂuide oresa hōbas dītsâdi !aroma.
Post
ǀHôakao mâsib !naka !hūba xu ūǂuihe hâ Namibiaǁîdi oahās
!Auga!hūsi !gaeǁaredi ministers, Netumbo Nandi-Ndaitwas ge 30 Gamaǀaeb 2022 dis ai ge mî, ǁnāpa ge !hūba xu ama tama ǀgaugu !naka ǂgomǂgomhe tsî !hūba xu ǂoa hâ i 31 khoede xu di 21 khoede !norasase ge oahāsa.
Post
Duits!hûb ge Namibiab !narisarimasa ǀomkhâi kais !nâ !gâi!gâibasensa ūhâ
Duits!hūb di ǂHanub ge a ǁaxa ǁaupexa N$256 miljunsa ǀhaohaos ǀkha, Namibiab nî hui!nâ-ūse, Covid-19 ǁōs ge hā-ū ǁgoaǂuidi, !aub!ûi!gâdi tsî !narisarimas !âkha !nâde oresa hōbatsâs !aroma.
Post
Ministeri ge !aub!ûi!gâde mā-amsa tama !aus !aroma ra !khâikhom
Ministeri ǂNamipeb, Haiǀgoms mû!gâs tsî !Narisarimas dib, Pohamba Shifetab ge !aub!ûi!gâdi ǁanin ai ǂgaisa go dī, in ǂgōsen ǁnāti ī mā-ams ose hâ !audi tsî ǁgauo!nâse !aub!ûi!gâdi marina sîsenūs tsîna xu. Nēs ǀkha ra !gûǁareseb minister age mîs ge, ministeris go a ǂanǂuisa tarin nē mā-ams ose ra dīhe !audi !gâb ai !khōdana-aose ǂnôasa, !aub!ûi!gâdi ǁanin tsîn a !â!nâse.