Khoekhoegowab

ǀAwa!namn di !Gao!gao ǁKhāǁkhākhâis 1Ro ǁKhāǁkhā!âb 2023-2024 dib ge ǂhanusise Pius Joseph Kaundu ǀAwa!namn ǁKhāǁkhākhâis Senters tawa Omaheke ǀkharib !nâ ǂoa ge wekheb Fraitaxtsēs ai ge ǁkhowa-amhe.

ǂnûiǂgādi tsî ǂharugun tsîn ge ǀhaob ai N$85 miljunsa Ondangwas !Ā!khōmais ǀAwemā!nansa surude hâ. 

Bank Windhoeks di Empathy Projeks ge ǀgūǁae mateses ǁkhā-ǁkhāsens !aroma a ǂhâbasa huiba Groot Aub ǂAmskoli mâǂoa hâ mateses !nâ ǁkhāǁkhāsens !nâ ǁkhā-khāsenaona ge ǁkhaeǁnâ. 

Urusib tsî ǀHûhâsi !Oabadi dis ge N$10 miljunsa kurikorobe ǀō-aisa tsî soros !gamsib ôa!nâdi (MRI) ra dī-aihe Masindi !âide ra mātare. Nē !âi!nôas ge soros di !kharaga !ân, !nāxūn tsî ǂkhûs !aroma aitsama mâbasen ǀaeǁgâugu tawa ra dīhe. 

Erongo ǀkharib di -ǁanǂgāsaben ge noxopa !gamse ǀnai soa-e ūhâ tama ǁhōdi ân !nâ noxopa !gamse !omga nî ǂgā, ǁnāpas -ǁîn di ǀkharisi !nanǀgaib mās ǂharuguba 8.9%gu ǀarosa !nanǀgaib ai go ǀaros khao!gâ.

ǂHanub ǁgamamdi di ǂkhôadīhes ge ra !aroma !garo!ā !âgu ǁgam-i !nubusiba ra ūhâ !khaisa. ǁGanǂgāsaben ge nē mâsib ǁgamamdi ra ǂkhôa!āheb xa ra ǁ-garihe !nūsen nî !nari tamas ka i o ǂaidi ǀkha ǁgam-e !gaudi tawa si ôasa. 

Namibiab ǀAwa!namn ge ǀhûhâsiba ra ǀkhomaǂgan, in mā-amsa ǂkhanin osen ūhâ !apun, ǁhādi tsî !apun hîa !aruǀî sîsenūhe taman tsîn hoana ǀgūse hâ ǀawa!namn berodi tawa sī ǁkhaeǁnâ. 

Marisise hîǀhurus ǂhanub ra mā ǁkhâkorobe huib tsî nauhâ huigu !nâ-ūs ge Namibiab !nâb ǁîba ǀgaisase ra ǂapaǂoa mâsigu di ǀguiba. 

!Hū-omkhâis tsî !hanaǂgās ministeris ge ǀawas ǀkharib ûitsamaxūn ǂgari-aona ge ǂgan, in ǀnîkhamikō !gôagu di ûitsamaxūna ǁamaxu, ǁnāpa ra ai!gû ǀgaisa ǀkhurub mâsib xa !aromahe hâse hoana ǂoa!nâsa ǁkhaes ase. 

!Hūnāsi ǂHanusi Xoamâisens Direkteri, Ministeris !Hū!nāsi ǁHōn dis dib Collens Mulekeb ge ra mî, ministeris 44 000 ǁgauǁgausen kartdi hîa ǀhonkhoen xa ūǁnâhe tamadi ǀkha ǂnôasa.