Ehangano loDevelopment Bank of Namibia (DBN) ola yandja omiliona imwe kouministeli wouhaku noukalinawa, u dule okukwafa komatungilo ape osho yo okulanda oipumbiwa i na sha nopoloyeka yoVision April 2026. 

Omukulunhu wehangano Titus Ndove okwa ti oimaliwa ei otai ka longifwa mokutunga nokuxumifa komesho oshipangelo shakula shepangelo shoCentral osho yo okulanda oipumbiwa yoshipangelo. 

“Moimaliwao mu otamu ka dja eembete domufika u li nawa odo tadi ka nuninwa ovanaudu di li o 500. Eshi otwe shi ninga opo oshipangelo shi kale shi na eembete dokutambulila ovanhu da wana, unene tuu ava va tuminwa koCentral okudilila koitukulwa ya yooloka. Inatu hala vali ovanhu tava nangala pomatalashe molwomhumbwe yeembete,” ta ti. 

Ehangano eli ola panga oukaume muwa nokulongela kumwe nouministeli wemona, opo vadule oku kwafa oshilongo meepoloyeka da kula odo tadi xumifa oshilongo komesho. 

Ehangao loDBN oli lile po yo okukwafa oshilongo meepoloyeka dakula, ngeenge tashiya poku yandja oiyuyemo opo vadule oku twifa dimwe domeendjodi odo dili momusholondodo woSixth National Development Plan. 

-taimihaihambo2000@gmail.com