DBNs ge surudeba Ombili ǂUrusib Sentersa xu nî hō-oa

Iuze Mukube

Omkhâisens Marisâuǂgaes Namibiab dis (DBN) ge ǀGapi ǁNâu!gâ!khaib !nâ ǂganamsensa ge dī, surudesa marisas Ombili ǂUrusib Sentersa xu ǂhâba hâs disa. Nē ǂurusib ǂnûiǂgās ge ǁîs di direkteri, Peter Elindib tsîn ǀkha ǀhaohâse Namcors di ai!gû ra ǁama!khunis ǀkha hâ ǀhôakao!narib ǁhōb nâ ra ǂâisāhe.

DBNs ge mā-amsa ǀGapi ǁNâu!gâ!khaib tawa ra ôa, Ombilis tsî ǁîs ǂnûǁkhaeba-aob Peter Elindib, tsî hāǀaro rase Malakia Elindib tsî Nyambali ǀAe!khōs Senters hân xa N$14.1 miljunsa mātarehes !aroma.

Nē ǁhōb ge ǁnāti ī ǀkhuwimaris ǁnâuguxoaǁguib hîa ge marisâuǂgaes tsî Ombili ǂUrusib Senters hâra ǁaegu 2017ǁî kurib !nâ a hâsa xu ra !hui.

Nē ǀkhuwimaris ge ǀgam !âkha ge !khōǂgā hâ i, ǂgurose ǀkhuwimaris ǁnâuguxoaǁguiba tsî ǀgamǁîse, ommi !aroma marisa ǀkhuwis ǁnâuguxoaǁguiba.

Nē ǁnâuguxoaǁguikha ge DBNs !aroma, Dana Sîsenǂuira Mâisab Martin Inkumbib tsî Ombilis !aroma Elindib xa direkteri ase ge xoa!gaohe.

Peteri, Malakiab tsî nyambalis hân ge hoase nē surudeb Ombilis dib ai a ǀhapixa, ǁîn ge a xoa!gao DBNs ǀkha ǁnâugub ra mîsa !oa.

ǀKhuwigus di !nāmab !oagus ge DBNsa N$2.6 miljunsa Ombilisa ǀkhuwisa ge mîǁgui, Ombilis nî nē marisa 36 ǁkhâgu ǁaeb !nâ ǁkhâkorobese mātare-oase.

ǂUrusib Senters maris !aroma ge hâ ǀkhuwigus ǁnâuguxoaǁguib !nâs ge DBNsa N$10.7 miljunsa Ombilisa ge mā, hîa 132 ǁkhâgu ǁaeb !nâ nî mātare-oahesa. Xawes, Ombilisa nē ǁkhâkorobe nî mātare-oahe marisa ge mâǀoa tama ise.

Nēs xa !aromahe hâses ge ǀkhuwimarisa, ǂKhoesaob 2024 diba xu N$17.7 miljuns ai ge mā. ǁNāpa xu ge hâ ǁnâugus !nâs ge DBNsa N$5.5 miljunsa ge xoaǁnâ tsîs ge OmbilisaN$12.2 miljunsa, 31 Aoǁkhumuǁkhâb 2014 dis ai nî mātare ge is ge.

Nēs ge ge !aroma mātare-oas maris ǂgâxa tama hâ, os nē marisa 11 ǂKhoesaob 2025 disa xu N$14.1 miljuns ai māsa. Ombilis nē marisa mātare-oasa ra ǁnā!gâ tsî ǁkhāti sîsenǂui tama ge ī dītsâdi nē marisa mātare-oahes di di, khao!gâs ge DBNsa mā-amsa ǁnâu!gâ!khaiba xu ra ôa, N$14.1 miljunsa Ombilis xa mātare-oahes !aroma. ǀAeǁgams ǀGapi ǁNâu!gâ!khaib ǀGora!gâ-aob, Thomas Masukub ge ǂoa ge wekheb di Donertaxtsēs ai nē ǁhōb nî 10 ǀHōǂgaeb 2025 dis ai ǁnâu!gâhesa ge mî.