MoRundu-Ndango zodoropa zaRundu kazigeve mbudi asi vanatura mukurona gendesi gwazo pamberewa gedina Romanus Ngurungu Haironga asi yige nogendesa doropa ezi kutunda apa.Konyara nomvhura ne doropa ezi kwakara ngororo zahana mukurona gendesi pamberewa gokukarereramo kutunda tupu apa ngatundamo Lukas Muhepa.Muhepa kwamuhagekesere mo2004.
Ogu kauyungire posiruwo sokutambura CEO,gomupe kakere Meye ndi asi mukurona gondango zodoropa esi gekuto Gosbert Sikerete Mandema katente asi ndango zodoropa kwanan noudigu apa vapira munamberewa kurona gokukarereramo eyi yaninkisa asi udigu kutura moyirugana eyi vana kutokora.Age katente asi nayinye eyi vatokora kwakara noudigu kuyitura moyirugana.
Age kamuhundilire asi gahepa kudiva asi ndango zodoropa zina pumbwa muntu gwangesi ntani hena gahepa kudiva asi doropa kunahepa kukura mokukwama eyi vana hara vantu.
Doropa zaRundu zina hepa muntu ogu ana lituramo yipo asikisemo eyi vana hepa vantu,ano nayinye eyi kuna kuyindindira yitunde kwaCEO,gomupe ogu tuna pe neyina sirugana.Ano kwendi age gomurugani gomupe katente asi hawe ame nina pandura kweyi muna penge yirugana yangesi nefumadeko,nokutumbwidira asi nanirugana moomu navhulira nomawoko gage nagenye gavali.
Ame muneni, mumbyeni nahepa mbatero zitunde kweni,magano geni,nina gahepa yipo name nirugane nawa sirugana esi sekuliko doropa zetu,rambangako nomukunda nagunye gwaKavango.
Age kuna kara nodigree zoBachelor zoHuman Resources ana pwanare ngarugana kominiteli zoyimaliwa kuruha oru vana kutumbura asi Customs excise